Chawngtea tlawmngai pawl hrang hrang 8-in September ni 27-a Govt. Kamlanagar College-a thil thleng chungchanga Chawngte Police Station-a FIR an thehluh chu Pathianni zan khan an hnuk kir leh. A hnuk kirtu tlawmngai pawl hrang hrang aiawhte hi Chawngte Group YMA President, B. Lalengzuala’n a ho a, zawhna chhangin Chawngte Joint Action Committee hruaitute chuan September ni 25-a Kamlanagar Higher Secondary School Sports-in Kamlanagar Field an hman lai, hemi ni tlai dar 4 hnua mi \henkhat inkhel ve duhten an tihbuai chungchang a\anga thil in\an a ni tih te, he thil hi thil te tak te, School hotute pawhin harsatna an tawh phah lem loh nia an hriat thu te, hemi hnua Govt. Kamlanagar College-a MSU hruaituten zirlaiten class kal lo tura an tih chungchang leh a hnu lama thil thlengte chu thu lian taka lak chi loh leh tlawmngai pawl hrang hrangte inrawlh zuina chi ni lova an hriat thu sawiin, hemi chungchangah hian Group YMA chuan MSU Sub Hqrs. hruaitute telin, tlawmngai pawl hrang hrang hruaitute a berawn leh a, chumi hnu chuan FIR thehluha an thil phut chu hnam leh hnam inkara inhriatthiam lohna leh buaina thlen thei tur nia an hriat avangin an hnuk kir leh ta niin an sawi a ni.
