Chief Minister, Pu Lal Thanhawla chuan Government Champhai College Building 7 a hawng

0
724
views

Chief Minister, Pu Lal Thanhawla chuan Government Champhai College Building 7 vawiin chawhnu khan a hawng. Heng building te hi Rs. 9,51,29,00,000/- senga sak a ni. Hawnna inkhawma thusawiin Pu Lal Thanhawla chuan college hmunhma tha neite intlansiakna tur chu an hmunhma tha inhman tangkai siaka, ram leh hnam tana mi tha leh tangkai chherchhuah tam a ni a ti a, sorkarin zirna quality tha neih theihna tura tan a lak mek chu mithiam leh tha hmun danga thawn chhuah theih tam tak neihna tur niin a sawi a, infiamna lamah Mizoram thalaiten hma an sawn chu thil lawmawm a nih rualin hriselna tura inzirtir lamah nasa zawka tan lak a ngai niin a sawi bawk. Chief Minister chuan NITI Aayog chhut danin hmasawnna lam tehna atana hman ber State Gross Domestic Production-ah Mizoram chu India rama thang chak 4 zingah a tel phak niin a sawi a, a thanna hi 10 chuang a tlin chhoh theih beisei niin a sawi bawk. Chief Minister College campus chu zirna atan bak thildangah hman a rem loh thu leh zirlaite leh zirtirtute chu Politics thil zirna inah hnuklut lo turin a chah bawk a ni. He College building thar hawnnaah hian Champhai North bialtu MLA, Pu TT Zothansanga pawhin thu a sawi a ni. Hawnna inkhawm hi College Principal, Pu Lalnunmawia’n a kaihruai a ni.