Chief Minister, Pu Lal Thanhawla’n Union Home Minister ruahmannaa naktuka Mizoram leh Assam Chief Secretary-te inbe tur chu ramri buaina chungchang sawi tur ni lovin, tuna buaina awm mek tih reh dan tur sawiho tur an ni a ti.
Vawiin Assembly Budget Session zawhna leh chhanna huna MPC member, Pu Lalthanliana zawhna chu MNF member, Pu Lalruatkima’n zawh belhin, New Delhi-a Chief Secretary level-a Mizoram leh Assam aiawhte inbiakna neih turah Mizoram lamin Chief Secretary nghet ala neih loh avanga tun hnaia chhuak ta Pu Lalmalsawma laka Sorkar laipuiin Vigilance Clearance pe tura a tih, Mizoram Sorkar-in a pek tawh leh tawh loh a zawt a, Chief Minister chuan Pu Lalmalsawma hi february ni 28 khan Pension-a a chhuah tawh avang te, rawih nawn tumna a awm loh avang tein Vigilance Clearance hi pek a \ulna a hriat loh thu a sawi bawk.
