Vawiina Lunglei Mizoram Hnam Run a tlawhnaah thu sawiin, Pu Zoramthanga chuan, tun thla ni 12 a\anga Budget Session neih turah Dept. hrang hrang hnathawhna tur sem darh a ni ang a, favang chhoah chuan hmasawnna hna nasa lehzuala khawih a ni ang a ti. Chief Minister hian tunah hi chuan MNF sorkar-in ama puala Budget a siam a la hmang lo niin a sawi a, Sorkar hmasain hman ngaihna an hriat loh leh an hman phal loh, an pawisa dahkhawm chu MNF hotute duh danin kawng siam \hat nan an hmang mai niin a sawi.
Chief Minister hian, a kaihhruai MNF sorkar hnuaiah hmasawnna hnathawk tak tak turin Board hrang hrang din a ni a, chawpchilh taka member turte lakkhawm an nih avangin hnathawh mumal theih a la ni lova, rei lote ah heng Board te hian an hmalakna tur hrang hrang project siamin hna an thawk \an thuai dawn a ni a ti. Kawngpui \ha zawk siam turin tunah hian kawng chil mamna Road Roller 20 vel lei tumin an chah mek tih a sawi bawk a, an sorkar hun rei lote chhungin kalkawngin hma a sawn a, Lunglei pawh hma taka thlen theih a ni tawh a ni a ti a, tun aia chak zawka ke pen zel tum a ni a, an sorkar a\anga rei lote hnuah MP inthlan vanga Conduct Rules-in a phuar rei deuh avangin hnathawhna hun tak tak a la awm thei lova, heti chung hian hmasawnna erawh hmuh tur a awm chho zel a ni, a ti.
MNF Party chu Sorkar laipuia thuneihna changtute sukthleka buai ve ngai lo nia sawiin Pu Zoramthanga hian, inthlanpui neih dawn khan Party \henkhatten MNF chu NDA-ah member a ni a, vote chi an ni lo tiin mipui an thlem a, hei hi MNF nihphung dik tak a ni lo a ti a, MNF chu kum 60 chuang lo kal tawh, engtiklai maha hming pawh la thlak ngai lo a ni a ti. Pu Zoramthanga chuan, Party \henkhat chuan an party hming an thlak zung zung a, \henkhatte phei chuan thawhpui theih zawng zawng an thawhpui zo tawh a, thawhpui tur an neih tawh loh avangin Zu zuar pawl an thawhpui a ni, a ti a. MNF Party chu Mizorama Party ngelnghet ber, thuthlung pawh engtiklai maha la tlansan ve ngai lo a ni a ti.
