Chief Minister Pu Zoramthanga’n Mizoram leilung, sik leh sa dinhmun leh a ralmuan zia te enin, hmasawn tura mamawh zawng zawng a awm sa vek a, rilru puthmang thlak chiah a \ul a ni a ti.

0
412
views

Information and Public Relations dept. in Mizoram puma chanchinbumite tana vawiina Aizawla workshop an buatsaih hawngin he thu hi a sawi a, Mizoram leilung chu thlai tinreng \hat duhna, ruahtui tlak danah pawh duhthusam a ni a, tun dinhmuna mihring cheng zat let thum aia tam pawh chawm zo tur a ni a ti a, Mizoram lei hnuai-ah tuialhthei leh gas hausakna hai chhuah tur tam tak a awm bawk nia sawiin, Mizoram hmasawnna turin rilru puthmang thlak a \ul a ni a ti.

Pu Zoramthanga hian Mizo mipuite chu \awngkhat hmang, inhlawm ruh \ha, thuawih leh zirtir nuam an ni a, nungcha humhalh leh faina inzirtir kawngah te pawh mipuiten chak takin hma an sawn a ni a ti a, chanchinbumi te chu an chanchinbu leh TV programme-ah te nunphung inzirtirna lam, social education atan hmun leh hun hauh bik nei tura sawmin, hetah hian nundan mawi leh tih dan \ha leh \ha lo te zau taka inzirtir \hin \ul a tih thu a sawi. Chief Minister hian Mizorama cancer natna vei an tam lutuk chu rannung thahna hlo leh lei tih \hatna hlo chemical hman nasat vang ni theia a hriat thu pawh sawilangin a theih chin chinah organic uar tum a nih thu a sawi lang bawk a ni.

Information Minister Pu Lalruatkima pawhin thu sawiin, chanchinbumite leh sorkar chu inhlata awm thei an ni lo a, Mizoram sorkar chuan chanchinbumite a\angin sorkar kalphung siam\ha tura sawiselna, constructive criticism dawn \hin a beisei a ni a ti a, social media chak taka \hang chho zelah chanchinbumite thuziak chu rintlak leh belhchian dawl a nih bik a ngai a ni a ti a, chanchinbumi nihna chu eizawnna anih piah lamah mipui rawngbawlna a ni tih hriat reng a \ul a ni a ti.

Workshop hawnna inkhawm hi Information and Public Relations Dept Director Pu David L Thangliana’n a kaihruai a, MJA President Pu Zonunsanga Khiangte leh Information dept Jt Director Pi Lallianpuii te pawhin thu an sawi a, Mizoram hmun hrang hrang a\anga chanchinbumi kalkhawmte hian chawhnu lamah ‘Media in the Digital World’ tih thupui, MZU Asst Professor Dr Irene Lalruatkimi hovin an zirho a ni.