Chief Minister Pu Zoramthanga’n Prime Minsiter Narendra Modi hmuin Citizenship Amendment bill chunchang leh thil pawimawh dangte a sawipui.

0
566
views

Nimina Prime Minister Narendra Modi a kawmnaah hian Chief Minister chuan Citizenship (Amendment) Bill chu Mizoram sawrkar leh Mizo mipuiten an duh loh thu a hrilh a, Mizorama mau sawngbawlna lama hmalak dan turte, Mizoram tana All India Services Cadre hrang neih chungchang te leh thu pawimawh dangte a thlen a. Jet Airways in February ni 10 a\anga Lengpui \umhmuna an thlawhna service tihtawp an tum chungchangah pawh sorkar laipui hmalakpuina Mizoramin a mamawh thu a hrilh a ni.

Chief Minister hian vawiin khan Home Minister Rajnath Singh hmuin Mizoram tana All India Service cadre hrang neih dan tur te, Aizawl khawpui laili a\anga Zokhawsanga Assam Rifles sawn dan tur chungchang te leh thil pawimawh dangte a sawipui a, tlai dar 3.00 khan National Disaster Management Authority pawh tlawhin Aizawl Hunthar lei tla hniam lai rang taka siam\hat anih theih dan tur a sawipui a, mithiam rual expert team ten karkhat ral hmaa helai hmun hi tlawhin, hnathawh dan tur enfel se tiin ruahmanna an siam a ni.