Chief Minister, Pu Zoramthanga’n vawiin khan a Pisa thar a luah. Chief Minister-in Pisa thar a luah \annaah hian CM Office-a thawktute leh amah \awiawmtute nen Pathian hnena inhlan tharna hun an hmang a, Pu Zoramthanga chuan Pathian leh mipui zara dinhmun pawimawh tak luah theia a awm chu lawmawm a tih thu sawiin, ram rawngbawl hna a thawhna kawngah Mizoram leh hnam hmasawnna atana theihtawp a chhuah tur thu a sawi a. Hmaih awm lova mi tinin ram hmasawnna rah an chan theih nan ngaihtuahna thar nena hmalak a nih tur thu a sawi a. Hemi atan hian sorkara thawktute leh mipui \awiawmna leh thawh hona a pawimawh tur thu a sawi a ni. Puan tawh angin MNF Sorkar thar hi Inrinni khan lakluh a ni a, naktuk Thawhlehni hian Sorkar thara Assembly \hutkhawm hmasa ber neih nghal a ni ang.

December 17, 2018

1111

views

Chief Minister, Pu Zoramthanga’n vawiina Pisa thar a luah pual inkhawm tawi neih hi Principal Secretary to Chief Minister, Pu Lalram Thanga’n a kaihruai a, Rev. C. Lalsangliana’n hunserh a hmang a ni. Chief Minister hian Finance Department, Political and Cabinet, Planning & Programme Implementation, General Administration Department, Secretariat Administration Department, Vigilance Department, Public Works Department leh Horticulture Department te a enkawl dawn a ni.