China chhim thlang lamah vawiin khan ruah sur nasa vanga lei minin chenna in 34 vel a hnawl a, chhiatna thlengah hian mi pahnih an thi a, mi dang 25 vel chin hriat lohin an awm. Guizhou province-a Bijie khawpuia lei minna hmun atang hian mi 6 chhanchhuah an ni tawh a, tlawmngai pawlte chuan lei minin a chhilh vanga chin hriat loha awmte chu zawn chhuah tumin theih tawp an chhuah mek ni a sawi a ni. China-ah hian ruah sur nasa vangin lei a min fo a, puan tawh angin, June ni 24 khan Sichuan province-ah lei vangin mi 30 chuang an thi a, thla hmasa pawh khan Hunan province-ah lei min leh tui lian vangin mi 63 an thi a, mi 16,00,000 vel an awmna hmun atanga an insawn chhuah a ngaih phah a ni.
Chanchin Thar China-a lei minin chenna in 34 vel hnawl
