Kum 15 tang tura hremna chu na tawk lova a hriat hnuah China Court chuan Canada mi Robert Lloyd Schellenberg kum 36 mi hi thi turin a chungthu a rel a. He thil hi thla hmasa-a Huawei Executive pawimawh tak Canada-a man a nih hnua thleng a ni a, phubalakna chikhat anga rinhlelhna chu, China chuan pha-in, drugs kaihhnawiha dan bawhchhia te chu hetiang hremna hi pek an lo ni fo tawh \hin niin a sawi.
Schellenberg-a chuan drugs tawlhru \hin a nih loh thu leh China-a khualzin mai niin a insawi a, \awnglettu anga insawi,drugs tawlhru thin Xu Qing chuan bumin he buainaah hian a hnuklut ta niin a insawi a, hetihlai hian a chungthu ngaihtuahtu Dalian court chuan December 2014 a\anga hren tawh, Schellenberg-a hi ramdang a\anga ruihhlo, methamphetamine tawlhru pawl-a tel ah a ngai a ni. Schellenberg-a rual hian china mi pahnih pawh he thubuaiah hian thiam loh chantir an ni a, damchhung tang tur leh thi tura an chungthu relsak an ni.
