China ram chhungah India sipaite phalna nei loin lut- China Foreign Ministry

0
870
views

India, China leh Bhutan intawh khawmna laia Doklam chungchanga India leh China inkar buaina kal zelah, China Foreign Ministry chuan India ram chhungah China sipaite an luh chuan buaina lian tak a chhuak dawn niin a sawi a, Doklam-a China sipaite kawng siam, India-in a lo dodal ve ngawt chu thil awmze nei lo leh awm lo tak nia a hriat thu a sawi. China Foreign Ministry thupuangtu, Hua Chunying sawi danin, Doklam-a China sipaite’n kawng an siam chhuanlamin India sipaite chu China ram chhungah phalna nei loin an lut a, hei hian thil awmzia chiang takin a tilang a ni. Puan tawh thin angin, Doklam hi Bhutan leh China-in an ramah an chhal ve ve a, Bhutan ngenna anga India sorkarin Doklam-a China sipaite kawng siam titawp tura sipai a tirh avang khan buaina hi a intan a, India hian Doklam chungchangah hian Bhutan ngaihdan a tawmpui avangin China sipaite hnathawh hi a dodal a ni.