China hrekna tur hi White House-ah thlen a ni tawh a, hrekna lek bakah China chet dan US President-in dem tura ngenna leh China-in Uighur Muslim-te enthlak leh man khawm kawnga a hman theih tur hmanrua US a\anga a lei theih lohna tur te leh China sorkar thuneitute zing ami, Xinjiang Party Secretary Chen Quanguo hrekna tur te pawh a tel a ni. US Senator Marco Rubio leh Bob Menendez leh Representative Chris Smith-te pawhin China hrekna tur ngenna hi White House-ah an thlen ve bawk a ni.
China Foreign Ministry thupuangtu, Hua Chunying chuan an ram inrelbawlna thila US inrawlh a tum chu an ngaithei lo hle tih a sawi ve bawk a, US ram chhunga ngeia hnam leh hnam inkara thil felhlel tam tak a awm laia China-a Uighur Muslim-te a ngaihsak daih chhan tur a awm loh a sawi bawk a ni.
