Citizenship Act, 1955 siam\hatna tur, Citizenship Amendment Bill, 2016 Parliament-a pass tum duh loh entirna tura hmarchhak bial pum huapa NESO-in naktuka bandh neih a tum chu Mizoramah pawh zawm tum a ni.

0
449
views

Bandh neih tur atan hian MZP chuan ruahmanna engkim a siam fel tawh a, MZP President Pu L Ramdinliana Renthlei chuan The Citizen Ammendment Bill 2016 Parliament in a pass chuan ram dangmite awlsam takin khua leh tui an ni theih dawn avangin Mizoram tan a him lo hle tih a sawi.

Pu L Ramdinliana Renthlei chuan, Mizo te rawn lova Bill hi pass a nih chuan Mizoram chu India ram bungkhatah an ngai lo nia an ngaih tur thu sawiin he Bill pass duh loh lantirna atana naktuka Total Bandh an neih tur chu thlawp turin mipui te a sawm a ni.

NESO Joint Secretary Pu Ricky Lalbiakmawia chuan Citizenship Amendment Bill 2016 hi an dodalna karah pass tum a ni tih Prime Minister in a sawi leh tak avangin, total bandh huaihawt a \ul ta a ni a ti.

Chief Minister, Pu Zoramthanga’n Citizenship Amendment Bill 2016 BJP kaihhruai sorkar laipuiin pass a tum chu MNF sorkar chuan an duh loh thu sawiin, duh loh entirna bandh MZP huaihawta naktuka neih tur chu zaa zain an thlawp tih a sawi.