Citizenship (Amendment) Bill, 2016 hmarchak biala dodalna lantirtu zirlaite sipai chakna hmanga BJP Sorkarin a beih duh loh lan tir nan vawiin khan hmarchhak pumah lungawi lohna ni, Black Day hman a ni.

0
79
views

North East Students’ Organisation NESO bultuma neih, Black Day hi Mizoramah chuan Mizo Zirlai Pawl in a kalpui a. Aizawla MZP pisapui tuala inkhawm tawi neihah MZP President Pu L Ramdinliana Renthlei chuan Citizenship Amendment Bill, 2016 dodalna lantirtu zirlaite chunga Sorkar chetdan chu an dem thu leh an duh loh thu sawiin Citizenship Amendment Bill chungchanga Sorkar laipui an beih ang bawkin Mizorama BJP chu an beih hun ala awm dawn niin a sawi.

NESO Joint Secretary Pu Ricky Lalbiakmawia pawhin thusawiin Tripura Police ten zirlai leh mipui pungkhawm silaia an kah bakah, hliam tuar phurtu Ambulance thlengin Police in an bei a ni a ti a, hliam tuar, Tripura Khumlung Hospital a dahte tlawh tura kal NESO hotute pawh Police ten an dang tih a sawi a, Manipur khawpui Imphal-ah pawh Citizenship Amendment Bill, 2016 duhlohna lan tirtu mi pali in hliam na tak an tuar tih a sawi a, zirlai hliam tuarte enkawlna tum sak turin an awmna sorkar theuhte chu NESO in a phut tih a sawi. Pu Ricky Lalbiakmawia chuan, Citizenship Amendment bill chu ram leilungfate rahbehna tur leh ram neitute zawk Minority-a siamtu tur a ni a, he bill duhlohna lantira ram leilungfate leh zirlai thawkchhuakte BJP Sorkarin dimna nei lova a beichiam chu NESO chuan a hrethiam lo hle tih sawiin he bill hi a tawp thlengin an do dawn tih a sawi. Black Day pual hian MZP te hian Aizawk khawpui hmun hrang hrangah flag dum an zar a ni.