Citizenship Amendment Bill 2016 sorkar laipuia BJP kaihhruai sorkarin pass a tum duh loh entirna Total Bandh vawiin khan Mizoram pumah neih a ni.

0
590
views

Aizawlah chuan Total Bandh hi zing dar 5 a\anga tlai dar 4 thleng neih a ni a, hetih chhung hian sorkar pisa, zirna in leh sumdawnna hmun hrang hrangte khar vek a ni a, zirlai pawlte chu khawpui chhunga kawn remchang laiah an duty a, heng hmun hrang hranga duty-te chuan buaina leh harsatna an tawk lo niin an sawi a, tih tur \ul bik leh phalna nei lova chhuah luih tum an awm lo tih anmahni tlawhtu Zonet palai an hrilh a ni. Total Bandh neih a nih chhung hian khawlaia vak chhuak an awm meuh lova, \ul bik leh pawimawha kal tih loh chu mipui hmuh tur an awm lova, buaina chhuak leh harsatna dang thleng pawh a awm lo a ni.

Citizenship (Amendment) Bill, 2016 hi India khua leh tui nih theihna dan dinglai Citizenship Act, 1955 siam\hat tumna a ni a, he bill hi kum 2016 July ni 19 khan Parliament-ah Union Home Minister, Rajnath Singh-an a lo pulut tawh a, he bill hi pass a nih chuan Afghanistan, Bangladesh leh Pakistan-a Hindu, Sikh, Buddish, Jain, Parsi leh Kristian sakhaw betute chu India rama an lo lut a nih pawhin man emaw, an ram lama thawn let emaw ni tawh lovin India khua leh tui nihna pek theih an ni tawh dawn a, hetiang mi India rama kum 6 awmte chuan ram khua leh tui nihna an dil thei dawn a ni. He Bill hi a taka tihhlawhlin a nih chuan Bangladesh-a\anga India ram, a bikin hmarchhak biala dan lova pem lutte chu India ram khua leh tui nihna pek theih an nih dawn avangin he dan hi hmarchhak bial zirlai pawl intelkhawm, North East Students’ Organisation (NESO) chuan na takin a dodal a, he bill duh loh lantir nan hian vawiin khan hmarchhak bial pumah Total Bandh neih a ni a, hei hi Mizoramah pawh zawm ve a ni.

MZP President, L. Ramdinliana Renthlei chuan, hmarchhak bial pum huapa zirlai pawlten Citizenship (Amendment) Bill, 2016 duh loh lantir nana lungawi lohna an lantirah Mizo mipuite \awiawmna \ha tak an dawng chu an lawm hle tih a sawi a. Hemi piah lamah hian Mizoram sorkar, Political party leh tlawmngai pawl hrang hrangten thinlung leh tih takzeta an thlawp chu thil lawmawm tak a ni a, he hmalaknaah hian MZP chu a bultumtu ni mah se, a taka hnathawktu chu Mizo mipuite an ni tih a sawi a. Total Bandh neih a nih chhunga buaina leh harsatna a thleng lo leh a dodal zawnga hmalakna a awm lo chu an lawm hle tih a sawi. MZP hian Citizenship (Amendment) Bill, 2016 hi an duh lova, a tawp thlenga dodal an tum tih lantir nan a copy an hal a ni.

MZP President, L. Ramdinliana Renthlei chuan, Citizenship (Amendment) Bill chu Pass a nih chuan hmarchhak bial, a bikin Mizoram tan a pawi dawn hle niin a sawi.

Hmarchhak mipuite rawn mumal lova hetiang Bill pass tum a ni chu an hrethiam lo hle tih sawiin, India sorkar hian hmarchhak bial hi India ramah a ngai lo em ni tih chu MZP zawhna a nih thu leh hei hi kaltlangpui a nih chuan an tih tur an ti ve dawn tih MZP President chuan a sawi.