Vawiin khan Commerce & Industries Minister, Pu H. Rohluna leh Australia rama Sydney-a India ram palai, Consul General, Pu B.Vanlalvawna’n Mizoram thil deh chhuah, zau zawka hralh dan tur an sawi dun a, Minister chuan puantah lamah, hmeichhe puan bih chi ang hi chu Mizoram chhungah pawh hralh a har hle tawh nia sawiin, hnam dangten an duh tur leh thawn chhuah theih dan tur ngaihtuah a hun tawh niin a sawi a, New Delhi-a Trade Fair neih \hinah pawh Mizoram stall chu a lun hle \hin tih sawiin, Mizo puantah chi hrang hrangte hi zau zawka hralh chhuah dan tur awm thei se a duh thu, Pu B.Vanlalvawna chu a hrilh a, ani chuan sumdawnna leh peipunna lamah Mizoram tan kawng a awm thu Minister chu hrilhin, puantahna hmanraw lamah pawh inpuih theih dan kawng a awm thu te, Australia hian puan tah leh a hmanraw lamah an mamawh ang tawk an hmuh theih loh thu leh, Mizo kutchhuakte, Australia rama hralh theih dan kawng a awm thu leh a bawhzui dan tur te, Commerce & Industr Dept.-in hralh chhuah tur a ngaihtuah theih chuan, a hralhna tur lam chu Sydney-ah a \ul dan ang anga an lo buaipui theih tur thu a sawi a ni. Puan tah lama kutchhuak nei \hate thlang chhuakin, Australia-a hemi kawnga sumdawngte nen video conferencing hmanga inkawm ni se, thla hnih khat hnuah bawhzui nghal ni se an ti bawk. Sydney-a India Consul General nena an inkawmnaah hian Minister hi Commerce & Industries Secretary, Pu Zothankhuma leh Director, Pu J. Hmingthanmawia’n an \awiawm a ni.
(LNTA)
