Commonwealth ram hruaitulu te intawhkhawmna, Commonwealth Heads of Government Meeting, CHOGM Londona neih mekah Prime Minister Narendra Modi a’n ram te zual leh thliarkar ram te dinhmun chawikan a tul tih a sawi

0
531
views

Commonwealth ram hruaitulu te intawhkhawmna, Commonwealth Heads of Government Meeting, CHOGM Londona neih mekah Prime Minister Narendra Modi a’n ram te zual leh thliarkar ram te dinhmun chawikan a tul tih a sawi. Prime Minister hian ram te zual leh thliarkar ram ten hmasawnna ngelnghet leh tlo an neihna turin India chuan an sum pek \hin pawh a letin a tipung tih a sawi. London-a chanchinbumite a kawmnaah Ministry of External Affairs, Secretary West Ruchi Ghanshyam chuan hmasawnna daih rei leh sik leh sa inthlak danglam chak lutuk khuahkhirh te chu India in a ngaipawimawh tih a sawi a, Prime Minister Modi hian ram te naute nena insumdawntawnna tih chak chungchang te, \halaite dinhmun chawikan te, pawikhawiha chetna do letna lama \anlak a \ul thu te a sawi chhuak a ni. Prime Minister hian Australia, Bangladesh, South Africa, Gambia, Trinidad leh Mauritius ram hruaitute pawh kawmin hmasawnna chungchang te, tuipui enkawlna lam te leh ram venhimna lam te a sawipui a ni. CHOGM zawhfel anih hnuah Prime Minister hian Commonwealth ram hrang hrang hruaitu lawk zualte pawh a kawm zui leh dawn a ni. Prime Minister Modi hi UK Prime Minister Theresa May nen \um hnih an inkawm tawh a, Queen Elizabeth II nen an inhmu bawk. Modi hian Berlin lam a la pan leh dawn a ni.