Miguel chuan tuialhthei sem chhuah kawngah, a bik takin diesel-ah US-in Venzuela a dodal vangin harsatna an tawk niin a sawi a, karleh a\ang chuan tuialhthei nghei mai thei dinhmunah an ding tawh dawn a, mipuite chu in lama hnathawk mai turin a ngen a ni.
Miguel chuan Cuba in kum 1990 chhova harsatna a tawh laiin tuna an dinhmun chu a zia awm zawk tih a sawi a, khatih hunlai khan Special Period tia hriat, sum dehchhuah kawngah harsatna nasa tak Cuba-in a tawk a, hemi hnu hian Soviet Union a tlu chhe zui a ni a ti.
May thla khan Cuba hian mipuite mamawh pek kawngah harsatna a tawk a, US-in sumdawnna kawnga a hrekna leh bungraw chheprelh ching an awm chu harsatna an tawh chhanah a puh a ni.
