Damdawiin khar tura tih vangin Max Hospital hruaitute lungawilo

Nausen dam lai a thi nia puan vanga khar tura tih, Max Hospital neitute chuan insawifiahna hun pawh pek an nih loh avangin, Delhi sorkar thutlukna hi a na mah mah an tih thu leh, hleih nei an tih thu an sawi. Max Hospital neitute chuan mimal thil tihsual palh chu awm thei a nih thu leh an damdawi in khar a nih chuan Delhi khawpui chhunga chengte tan in enkawlna a tlem phah tur thu te leh, damlo enkawl chu an thil tum ber a nih vangin, a theih ang anga hma an lak zui zel tur thu an sawi bawk a ni. Puan tawh angin thla hlui ni 30-ah khan he damdawi inah hian nu pakhatin phir a hring a, doctor-te chuan thi saa piang niin an sawi a, mahse vui tura an buatsaih laiin pakhat zawk chu a la dam tih hmuh a ni leh a, chhui chian a nih hnuah, he damdawi ina nau piang hlim enkawl an nih dan hi a \hat t^wk loh thu leh, nausen pawh hi a dam leh dam loh finfiah a nih loh thu te, an thil tih dan hi damdawi ina thil tih dan tur a ni lo nia sawi a ni a, Delhi sorkar chuan khar turin a ti ta a ni.