December ni 13 a\anga Meghalaya lungalhthei laihchhuahna khura tang tawh, mi 15 te chhanchhuah tuma beihna-ah thil thar engmah hmuhchhuah la awm lo mahse, Supreme Court in chhanchhuah hna chhunzawm zel turin a ti a, thil mak a thleng ve fo a ni a ti.

0
395
views

Supreme Court chuan Central sorkar leh Meghalaya sorkar te chu mithiamte rawn-a heng mi 15, lungalhthei khura tang te chhanchhuah hna chhunzawm zel turin a ti a, heng mite hi dan lova lungalthei laihchhuahna khur pakhat, feet 370 vela thukah an tang a, tun thlengin an chanchinah thil thar engmah hriat belh a la awm lo a ni. East Jaintia Hills lungalhthei khura tangte chhanchhuah hna thawh mek chungchang ngaihtuahtu Supreme Court bench kaihruaitu Justice AK Sikri chuan chhanchhuah hna thawktute chu an hna bansan rih lo tura hrilhin, thil mak a thleng thei reng a, beiseina neih tur a ni a ti a, Court sang ber chuan hetianga dan kalha lungalhthei laihchhuahna hmun neitu te lakah leh hetiang tih phalsaktu sorkar official te laka sorkar hmalak dan pawh a zawt nghal a ni.

Lungalhthei khur a\ang hian tui litre nuai 28 chuang pump chhuah tawh a ni a, heti chung hian tui chim chin erawh a tla hniam hlei thei lo a, chhanchhuah hna thawktute chuan hmalak ngaihna an hre tawh lo a ni. A bulhnai lui pakhat a\angin tui hi puk chhungah a luanglut reng a, lei chhungrilah hian a bul hnaia lungalhthei laih chhuahna khur dang nen tui hi a inluan pawh reng bawk a, khur awmna hi a pilril avangin hmanraw mamawh chawk luh a harsat bawk avangin hmasawnna a awm hlei thei lo a ni.

Chhanchhuah hna hi National leh State Disaster Response Force mi leh sa 200 chuangin an thawk a ni.