Delhi boruak thianghlim loh vangin Supreme Court roreltu Justice Arun Mishra-a’n Delhi sorkar ukil Tushar Mehta a khak.

0
625
views

 

Tushar Mehta hi thubuai danga Supreme Court hmaa ding a ni a, thubuai an ngaihtuah \an hma hian Mishra chuan Delhi boruak bawlhhlawh nasat lutuk vanga zingkar insawizawi tur pawha a chhuah theih loh thu leh midang eng emaw zat pawh an in chhuahsan thei lo an awm thu leh khawpuia thil thleng mek chu hriatchian a duh thu Mehta hi a hrilh a ni. Environment Pollution Control Authority (EPCA) pawhin thawh\anni lam khan Delhi, Haryana leh Uttar Pradesh Chief Secretary-te \heuh hnenah lehkha thawnin diesel, petrol leh tuialhthei chi dang hmang chi lirthei hriat hranna tur sticker an hman loh avangin heng-te hi hriat hran theih an nih loh thu leh Delhi leh a chhehvel boruak bawlhhlawhin ziaawm lam a pan loh chuan gas emaw tuialhthei chi dang boruak tibawlhhlawh nep chi hmang lo lirthei zawng zawng chhuah khap an tum thu a lo hriattir tawh a ni.

National Green Tribunal pawhin thawh\anni khan Uttar Pradesh, Punjab, Haryana leh Delhi Chief Secretary-te hi lo hal chungchangah a ruahmanna thehlut turin a ti bawk a, tun thla ni 15-ah Union Agriculture Secretary-te nen NGT pisa-ah \hukhawm turin a ti bawk a ni.