He bus hi kawng a\anga feet 50-a thuk tuihawk luankawrah a tla a ni. Agra District Magistrate Ravi Kumar chuan sorkar bus service mi 46 phurtu hi Lucknow a\anga Delhi pana tlan a ni a, a chetsual chhan hi a khalhtu a mut thluk vang a ni a ti.
Uttar Pradesh Chief Minister, Yogi Adityanath chuan thi leh hliam chhungte a tawrhpui tih a sawi a, Agra-a transport commissioner, divisional commissioner leh inspector general te chu bus chetsual chhan dik tak chhuia, darkar 24 chhunga an report pe turin CM hian a hriattir a ni.
Uttar Pradesh Roadways chuan thi chhungte hnenah zangnadawmna cheng nuai 5 \heuh pek an tum tih an sawi a, Prime Minister, Narendra Modi pawhin hliam te chu dam vat tura a duhsak thu leh thi chhungte a tawrhpui thu twitter ah ziakin chhawmdawlna awm thei ang ang sorkarin a ngaihtuah dawn tih a sawi bawk a ni.
