Delhi Chief Minister Arvin Kejriwal a’n Lt Governor Anil Bajilal chu lehkha thawnin Supreme Court thuremna chu a nih ang taka kengkawh tur leh a \hen zawma a \hen zawm loh lai nei lo turin a ngen.
Supreme Court in Delhi sorkarin thutlukna siam kawngah Lt Governor remtihna a lak zel a ngai kher lo tih thutlukna a siam hnuah pawh Delhi sorkar leh Central sorkar te thuneihna inchuh chuan ziaawm lam a la pan hlei thei chuang lo a, a lehkhathawnah hian Arvin Kejriwal chuan Supreme Court thuremnaah chiang lo a awm anih chuan Supreme Court-a zawtfiah thuai turin Governor hi a ngen a, supreme court thuremna a \hen lai chauh zawma, a \hen lai thlauh thlak leh si chu court zah lohna a ni a ti a, Court thu chu Home Ministry pawhin a duh danin a herrem thei lo a, a nih anga kenkawh mai tur a ni a ti.
Delhi Chief Minister hian Assembly constituency tina kum upa 1100 \heuh ten sakhaw hmun pawimawh an tlawh theihna tur Mukhyamantri Teerth Yatra Yojana chu Lt Governor in dodal mahse kalpui tlang anih tur thu a puang nghal a ni. Arvin Kejriwal hian chanchinbumite a kawmna ah Lt Governor hian Services Deptt enkawl hna chu Delhi sorkar kutah a dah duh lo niin a sawi a, hei hi Central sorkarin court thupek a lang a paua a bawhchhiat luih \um khatna a ni a ti.
