Delhi CM Arvind Kejriwal leh AAP MLA dang pasarih lakah Delhi Police-te’n thubuai an ziaklut

0
287
views

Delhi CM Arvind Kejriwal leh AAP MLA dang pasarih lakah Delhi Police-te’n thubuai an ziaklut. Puan tawh angin Delhi Chief Secretary, Anshu Prakash chuan kumin February ni 19 zan rei tawh lamah Kejriwal-a ina kal tura koh a nih thu leh kut thlak a nih thu a lo sawi tawh a, Kejriwal leh Deputy CM, Manish Sisodia-te awm laiin, MLA pahnihin kut an thlak niin a sawi a ni. Hemi kaihhnawih thilah hian Delhi police-te chuan Kejriwal hi \um hnih thu an zawhfiah tawh bakah, a chenna in pawh an lo dap tawh a ni. He thil thleng vang hian Delhi IAS leh officer dangte chuan sorkar thu an awih duh loh bakah, meeting pawh an kal duh lo niin AAP-te chuan an sawi ve leh a, hna thawk tura thu pe turin Lieutenant Governor, Anil Baijal an phut vangin, a chenna inah pawh ni 9 lai sit-in protest an lo nei tawh bawk a ni.