Delhi leh a chhehvela loneitute’n an lungawilohna an la lantir chhunzawm zel

0
648
views

Delhi leh a chhehvela loneitute’n an lungawilohna an la lantir chhunzawm zel a, ni li Gaon Bandh an huaihawt tawh avangin, bawnghnute leh chawhmeh hrang hrang leh thei man a sang nasa tawh hle. Puan tawh angin loneitute hian an lungawilohna lantirna’n an thlai thar-te khawlaia an thehdarh bakah, bawnghnute an leihbaw nasa hle a, eptu pawl hrang hrangte’n an thlawp thu an sawi tawh a, CPIM hotupa, Sitaram Yechury pawhin sorkar laipui chu intihlarna atan pawisa tam tham tak tak a seng chunga loneitute an phu tawk ang a pe leh thei si lo chu hriatthiam a har a tih thu a sawi a, Gujarat Congress hruaitu hlui, Arjun Modhwadia pawhin demonetisation leh GST-in loneitute dinhmun a tihchhiat nasat zia chu hai chi rual a nih loh thu leh hetianga an nuar tawh chung pawha sorkar laipuiin a la ngaihthah fo mai chu dik lo a tih thu leh mi hausa tawh sa te duhsak tumna a nih thu uar takin a sawi bawk a ni.