Delhi pan Jet Airways thlawhnaah vauna lehkha chhar

0
810
views

Mumbai atanga Delhi pan Jet Airways thlawhna-ah vauna lehkha chhar a nih avangin hmanhmawh takin Ahmedabad-ah thlawhna tum tir a ni. He thlawhna chhunga inthiarna pindanah, hnathawkten lehkha an chharah chuan, mi 12 in thlawhna chu hruai kawi an tum thu te, bungraw dahna hmunah bomb chak tak thuhruk a nih thu te leh, Delhi pan loa Pakistan awp Kashmir lam pana an thlawh loh chuan thlawhnaa chuangte thah-ah leh bomb tihpuaha vauna thu te a lo inziak a, hei hi an hriat veleh thlawhna khalhtu pilot-te chuan thlawhna hi Ahmedabad-ah an tumpui a, hnathawk mi 7 leh passenger 1115 te chu uluk taka dap an ni nghal a, engmah thil dik lo awm ang an la hmuh loh thu leh bungraw phurhnaa bomb awm nia sawi pawh hi hmuh a nih loh thu thuneitute chuan an sawi a, a aia ngawrh zawka chhui turin police leh agency hrang hrangten an bawhzui nghal a ni.