Delhi Shelter Home-a hmeichhe awm \henkhatten uchuak taka tih nawmnah an tawk tih hmuhchhuah a ni a, Police ten thubuai ziaklutin an chhui nghal.

Delhi Commission for Women DCW sawi danin, Ningani-a Delhi Shelter home an endiknaah DCW member te chuan shelter home-a awm lai naupang kum 6-15 inkar te chu an titipui a, Delhi Dwarka hmuna Shelter Home-a awm hemche naupangte chuan Shelter home enkawltu hmeichhe pakhat chuan anmahni hrem nan an serhah hmarcha dip a phulsak \hin niin an sawi a, heng bakah hian insuk, inchhung tihfai leh inthiarna hmun tihfai thlengin rim takin an thawhtir \hin niin an sawi bawk. DCW member te hian an thil hmuhchhuah hi an chairperson Swati Maliwal hriattir nghalin, ani hian police te hnenah complaint a thehlut nghal a ni.