US leh Mexico inkar ramri hungna tura sum ruahman chu pass pui an tum loh thu Nancy Pelosi leh chuck Schumer ten an sawi a, Trump-a chuan an inkawm hona chu hun khawhralna satliah mai a ni a ti. US leh Mexico inkar ramri hungna tur sum ruahman pass theih loh vang hian US sorkar hnuaia dept \henkhatte chu ni 19 chhung hnathawk thei lova khar a ni ta a, hnathawktu mi nuai 8 vel te chu Zirtawpni hi hlawh pek hun an ni tawh a, hlawh hi an la thei dawn rih lo a ni.
Trump-a chuan thir-a ramri hungna tur hian dollar tld 5.7 a dil a, House of representative thununtu Democratic party chuan sum mamawh hi an pass sak duh lo a ni. Democratic party hruaitute nena inremna zawnga inbiakna hi Situation Room-ah minute 14 chhung neih a ni a, a hlawhchham a ni.
