India Deputy PM hmasa ber, Sardar Vallabhai Patel-a pian champha vawi 142-na hriatreng nan vawiin khan President Ram Nath Kovind, Vice President M Venkaiah Naidu, PM Narendra Modi leh Home Minister Rajnath Singh-a chuan Pu Patel-a lim-ah pangpar an dah a, hemi hnu hian Pu Modi-a chuan New Delhi-ah ram inpumkhatna lantir nan a huhova tlan, Run for Unity chu a huaihawt a, he thilah hian mi thahnem tak telin, km 1.5 vela hla an tlan a ni. Pu Modi-a chuan Run for Unity bul tan nana puanzar a vai pahin ram tana Pu Patel-a inpekna chu ropui a tih zia leh ramin a theihnghilh ngai dawn lo tih a sawi a, Pu Rajnath Singh-a pawhin Pu Patel-a chu ramin zalenna a hmuh hnua inpumkhatna leh inlungrualna chhem nungtu pawimawh berte zinga mi a ni tih a sawi a ni. ‘Iron Man’ tia sawi thin, Pu Vallabhai Patel-a hi kum 1875, October ni 31 khan Gujarat-a khaw pakhat, Nadiad-ah a lo piang a, kum 1991 khan India rama civil mite chawimawina sang ber, Bharat Ratna a dawng a ni.
Chanchin Thar Deputy PM hmasa ber piancham pualin hun hmang
