House of Representatives, state 10 chuang leh pawl 2-in Trump-a sorkar hian Congress phalna pek dan ang ni lovin ramri hungna bang siam nan sum a hmang thei lo ti California, Oakland-a US District Court Judge Haywood Gilliam hnenah thlein sum hman a tum chu hren sak turin an zualko a, Gilliam hian thupek ti chhuakin Trump-a sorkar chu Arizona leh Texas-a Department of Defence a\anga dollar tld 1 hman a tum chu a khap a ni.
Donald Trump-a hian ruihhlo tawlhruk leh dan bawhchhiatna a tlem theihnan Mexico leh US ramri hungna bang sang sak a pawimawh a ni a ti a, February thla khan Congress chuan bang sang sakna tur ni lo, a hungna pal siamna turin dollar tld 1.38 hman a phalsak a, lungawi lovin Trump-a hian a sum mamawh zat an hmuh theih nan naional emergency puangin, ramri hungna bang sang siam nan Treasury Department a\angin dollar mtd 601, Department of Defense a\angin dollar tld 2.5 leh sipai construction project a\angin dollar tld 3.6 lakchhuah a tum thu a lo puang tawh a ni.
