Hindi Training College zirlaite hian, an Principal, Dr. Louis Hauhnar an duh lohna hi \um engemawzat an lantir tawh chung leh a chet dan dik lo leh a eirukna tam tak an hailang tawh chunga tun thlenga hrem ala ni lo chu an hrethiam lo hle tih an sawi a, Mizoram-in Hindi Training College \ha tak a neih zel theih nan leh zirnaa hma an sawn theih an Principal chu Transfer a nih hma loh chuan an hmalakna chu chhunzawm zel an tum tih an sawi.
Hindi zirlaite hian, a thuneihna hmangsuala an Principal-in mi \henkhat a duhsak falte an thiamnain a tlin lo chungin pawl sang zawkah a \huttir niin an sawi a, an Principal hian Principal a nih theih nan kum khat leh a chanve chhungin Master Degree a nei thei nia sawiin, he thilah hian thil dik lo a awm ngei nia a lan avangin Certificate a neih dan chu chhuichian an phut tih an sawi a, an College zirlai ni loten an College hminga Scholarship an dil avanga Scholarship la thei lova an awm mek chu an duh loh thu te, zirlaite Admission Fee tihchingpen a nih thu leh Trainees Welfare Fund chu a nihna tur anga hman a nih loh thute, zirlaite thawh khawm a\anga Bus Hire-na tur sum chingpen nia lang te, zirlaite admission leh Hostel Admission Fee a\anga Sorkar-a sum chhunluh tur a hun taka chhunglut kim lova, College-in harsatna a tawh hnu chauhva a chhunluh a ni te, College bungrua a ma mimal thil atan an hmang te, zirlai zinnaa sum dawn tur pek kim loh an nite chu thil dik lo tak a nih avangin a mawhphurtu Principal, Dr. Louis Hauhnar chu Principal ni tlaka an ngaih loh thu an sawi.
