Egypt ramah rel pahnih a insut avangin mi 44 an thi a, mi dang 180 an hliam. Egypt sorkar chuan thi zat hi an la pung mai thei tih an sawi a, rel chhia hi then fai a nih zawhah thi zat chiah hi puan theih chauh a ni dawn niin an sawi a ni. Thuneitute chuan Alexandria khawpui atanga Cairo pan rel pakhatin rel chawlhhmun-a ding, rel dang a su tih an sawi a, he thil thlenna hmun hi tlawh pawh theih loha khar a nih thu leh, dam chhuakte zawnga beihpui thlak mek a nih thu an sawi. Egypt Health Ministry chuan rel khalhtu hi police te kutah a inpe nghal niin a sawi a, he thil thlen dan hi chhui zui a nih tur thu a sawi bawk. Egypt-ah hian nikumah pawh khan rel chesual-ah mi 5 an lo thi tawh a, kum 2013 leh 2012-ah pawh khan mi 70 an thih bakah, kum 2012 khan rel-in school bus a sut avangin naupang 51 an lo thi tawh bawk a ni.
Chanchin Thar Egypt-ah rel pahnih insut vangin mi 44 thi
