Eirawngbawlna Gas man bithliah thar

0
766
views

Tun hnaia IOCL Revised Retail Selling Price tihdanglam a nih avangin Mizorama eirawngbawlna Gas man bithliah thar a ni. Supply Department thuchhuah tarlan danin, in-a hman chi Gas bur khat Kg. 14.2 a rit chu Vairengte tih loh Mizoram hmun dang zawngah bur khat cheng 817.50 a hralh tur niin, Vairengte-ah chuan bur khat cheng 802 a hralh tur a ni thung a. Sumdawnna atana hman chi Kg. 19-a rit chu Vairengte tih loh Mizoram hmun dang zawngah bur khat cheng1467 a hralh tur niin, Vairengteah chuan bur khat cheng 1431 a hralh tur a ni thung. Heta tanga mipuiin Subsidy an hmuh tur chu Vairengte tih loh khaw dang zawngah bur khatah cheng 328.77 niin, Vairengteah chuan cheng 315.43 a ni thung. Gas hi Home Delivery-a hralh a nih chuan a man pangngai atangin bur khatah cheng 7.53 belh tur a ni a, showroom atanga hralh a nih chuan bur khatah cheng 18 zel paih tur a ni thung.