Private TV channel-in Modi-a an kawmna leh Varanasi-a a thusawi chungchanga Congress party thubuai thehluh chungchangah Election Commission chuan an endik hnuah Model Code of Conduct a bawhchhiatna an hmuh loh thu an sawi a ni.
Rahul Gandhi chu Madhya Pradesh-a Shahdot-a a thusawi chungchangah May ni 7 hmaa insawifiaha chhanna pe turin a hriat tir a, Union Minister Mahesh Sharma-a’n Rahul Gandhi leh Priyanka Gandhi Vadra bei zawnga a thusawi chu darkar 24 chhunga insawifiah-a turin a hriattir bawk a ni.
Kum 2014 inthlan khan Congress candidate Ravi Kishan hian zirna lamah graduate angin a inziak a, tun inthlanah BJP ticket-a dingin pawl 12 thleng zir angin a inziak leh a, hei vang hian Kushinagar-a mi Santosh Kumar chuan thubuai a thehlut a, Returning Officer K Vijendra Pandiyan chuan he thil hi an endik mek thu sawiin thiam loh chantir a nih chuan Kishan-a nomination hi hnawl theih a nih tur thu a sawi.
