Election Commission-in PM Naendra Modi-a’n Mission Shakti hnuaia satellite kahthlakna anti-satellite hlawhtling taka enchhin a nih thu a puan chu model code of conduct bawhchhiatna a ni lo a ti.

Nilaini khan Modi hian khawvel boruak hniam lama India satellite chu missile hmangin hlawhtling taka kah darh a nih thu leh India hi hetiang ti thei ram pali-na a nih thu a puang a, he a thu puan hi eptu pawl te’n model code of conduct bawhchhiatna a ni tiin EC hnenah an zualko a, EC hnuaia committee-in hemi chungchang hi an chhui a, Doordarshan leh All India Radio-te’n live-a an tih chhuah loh thu an hriat hnuah media dik lo taka hman khapna a bawhchhe lo tih committee hian a sawi a, hei hi EC hian a pawmpui a ni.