Exit poll 13-in BJP sorkar-in hnehna an chan an rin thu an puan hnuah Mamata Banerjee leh eptu pawl hotu tam zawk chuan exit poll hmuh dan hi an rin loh thu sawi mahse, eptu hruaitu engemawzatin vote thlakna khawl chu tihchingpen a nih an rin thu an sawi a, eptu pawl hotu 21-in EVM leh VVPAT chungchanga an ngaih\hat lohna sawipui turin Election Commission an hmu a ni.
National Democratic Alliance hotute chuan Lok Sabha inthlan result puan hmain New Delhi-ah inhmukhawmin chawhlui an kil ho dawn a, party President Amit Shah-a kaihhruaina hnuaiah result puan zawh-a hma an lak dan tur an sawiho dawn a ni. He inhmuhkhawmnaah hian PM Modi, Bihar CM leh JD(U) President Nitish Kumar, Shiv Sena hotu Uddhav Thackeray leh Lok Janshakti party hotu Ram Vilas Paswan te an tel rin a ni.
