He thlawhna Boeing 737 hi zingkara Addis Ababa a\anga a thlawh chhuah hnu lawkah a chesual a, a chhunga chuang khualzin 149 leh hnathawktu 8 te an thi vek a ni. India mi thite hi Vaidya Pannagesh Bhaskar, Vaidya Hansin Annagesh, Nukavarapu Manisha leh Shikha Garg te an ni a, Sushma Swaraj hian Shikha Garg hi Ministry of Environment and Forests-a Consultant, Nairobi-a UNEP intawhkhawmna chhimtu a ni tih a sawi. Ministry of External Affairs thupuangtu Raveesh Kumar chuan thi chhungte a tawrhpui thu a sawi a, Addis Ababa-a India Mission te chuan he thlawhna airlines leh tualchhung thuneitute an biakpawh nghal thu a sawi.
Thi zinga mi 12 vel hi UN nena inkungkaihna nei, UN Environment Assembly chhim tura zin an nih rin a ni. UN Secretary-General Antonio Guterres-a chuan he chhiatna thleng hi pawi a tih thu sawiin thi chhungte a tawrhpui thu a sawi.
