European Commission President atan German mi, Ursula von der Leyen chu secret ballot hmanga thlan tlin a ni.

0
422
views

Ursula hi European Commission-a hmeichhe president hmasa ber tur a ni a, Eurorpean Paliament-a member chanve aia tam thlawpna a hmu a ni. Thlan tlin a nih hnuah thusawiin, Ursula chuan amahaa rinna an nghah chu Europe ram an rin ngamna tilangtu a ni a ti a, hei hian chhim leh hmar, chhak leh thlanga Europe ram chakna leh inzawmna a tinghet a ni a ti a, a hna leh mawhphurhna chu a sang hle tih sawiin, lungrual taka thawkho turin member te a sawm a ni.

Kum 60 mi, Ursula von der Leyen hi Brussels-ah a piang a, fa pasarih neiin, Politics a luhchilh hma chuan hmeichhe lam doctor a ni \hin a ni.

Ursula chuan Europe ram hrang hrang vantlang tana ham\hatna tur a ngaihtuah tur thu te, retheihna leh tlakchhamna kawnga nasa taka \an a lak tur thu leh hmeichhia te dikna leh chanvo a chawisan tur thu te sawiin, UK-in Europe a\anga inhnuhdawh a tum hun chu sawn hlat a nih theih nan hmalak a tum thu te a sawi a ni.