Uttar Pradesh-a EVM lak sawn lai leh tihchingpen nia hriat video thlalak tihdarh a nih hnuah EVM te khawih chingpen nia sawi thuthang a tam hle a, Uttar Pradesh-a Meerut leh Raebareli bial, leh Chandigarh-ah te Congress worker te chuan EVM dahna strong room an veng a, candidate aiawh \henkhatin guard te nen darkar 24 chhung an veng a, a \henin CCTV hmangin an enthla bawk a, candidate aiawhte hian EVM te hi counting room-a lakluh a nih dawnin an endik thei bawk a ni. Assam-a Congress worker te chuan Kamrup-a EVM dahna strong room panna kawng an veng bawk a ni. Madhya Pradesh Bhopal-a Congress candidate Digvijaya Singh, Mumbai North West-a Congress candidate Sanjay Nirupam leh Thiruvananthpuram-a Congress candidate Shashi Tharoor-a te chuan an bial-a EVM dahna strong room te tlawhin an endik bawk a ni.
Sanjay Nirupam-a chuan vote chhiar hma ni chu hun pawimawh tak an nih thu sawiin, BJP worker te dan kalh-a an chet loh nan party worker leh mipuite’n an ven reng a ngai a ni a ti. PM Narendra Modi chuan EVM chungchanga thu thang te hi \ul lova inhnialna mai a ni tih a sawi thung.
