Excise and Narcotics Department chhinchhiah danin, nikum chhung khan Mizoramah ruihhlo leh a kaihhnawih thil avangin mi 65 an thi a, hei hi kum 10 chuang kal ta chhunga ruihhlo leh a kaihhnawih thil avanga thi tam ber \um a ni. Nikum chhunga hetiang avanga thi zinga 53 chu mipa an ni a, 12 chu hmeichhia an ni a, an zingah hian Heroin avanga thi an tam ber a, mi 28 an thi a ni. Excise and Narcotics Department hotute chuan, kum 1984 a\ang khan Mizoramah ruihhlo leh a kaihhnawih thil avanga thi hi chhinchhiah an ni a, kum 1990 bawr vel thleng khan kum khatah mi 10 pawh an tling ngai mang lo a. 1990 chho a\anga Proxyvon a hluar hnuah ruihhlo avanga thihna hi a kum telin an pung chho va, an thih hnem ber, kum 2004-ah phei kha chuan mi 143 an thi a, chung zinga 132 chu Proxyvon avanga thi an ni. Kum 2005 a\ang khan ruihhlo avanga thihna hi zawi zawiin a tlem leh hret hret a, tun hnai kum 3/4 vel kal taa Heroin a hluar hnuah Proxyvon avanga thihna pawh a tlem chho zel a, nikum chhung khan Proxyvon avanga thi an awm lova, Heroin avanga thihna erawh chu a pung chho telh telh thung a ni. Excise and Narcotics Department hotute chuan, kuminah hian ruihhlo avanga thi mi 1 a awm leh tawh niin an sawi bawk.
