Dry day hmanga zu khuahkhirh a nih mek laiin Rangvamual leh Phunchawng vela dan phal lohva zu zuar leh siam rututen an zu siam a thawh hmana turin chhang siamna dawidim chikhat an pawlh nasa tih hriat anih thu Excise and Narcotics Dept chuan an sawi a, hetianga siam rakzu hi mihring tan a hlauhawm nia sawiin, tha natna leh natna dang awlsam takin a thlen thei niin an sawi a, heng zu te hi in lo turin dept chuan zu in \hinte an chah a ni.
December ni 21-a Dry Day puan anih a\angin Mizoram State Liquor Prohibition Co-Ordination Committee kaihhruaina hnuaiah Mizoram hmun tinah zu leh ruihhlo khauh taka khuahkhirh anih thu te, Excise & Narcotics Department, Police Department leh YMA ten ruihhlo do hna an thawh dan te thlirletin, hunpui hman zawh takah mizo mipuite leh tlawmngai pawlte nen thawh hona \ha tak an neih avangin kumdang aiin zu leh ruihhlo a buaina a tlem niin Dept chuan an sawi.
December thla chhungin Excise & Narcotics Department hian rakzu Litre 26,923, Zu bilh lai Tin 3747 bakah sap zu umpuitling 211 an man a, zu kaihhnawih-ah thubuai 148 ziahluh a ni a, zu vangin mi 99 an man a ni
