Special Judge ND&PS Act, Aizawl chuan Ganja zuara puh F.Lalbiakhlui kum 35 chu thiam loh chantirin hrehawm taka lung in tang turin a hrem. Hemi chungchanga vawiin a Mizoram Police thuchhuah tarlan dan chuan kumin July ni 12 khan Special Judge ND&PS Act, Aizawl chuan thutlukna siamin Ganja zuara puh F.Lalbiakhlui chu thiam loh chantirin hrehawm taka lung in a kum 10 tang tur leh Rs.1,00,000 chawi turin a chung thu a rel a. A pawisa chawi tur hi a neih loh chuan kum 1 dang tan belh turin a ti bawk a ni. F. Lalbiakhlui kut atang hian 10.3.2015 khan Police te chuan Ganja kg 30 manin, CID Crime hnuaia Special Narcotics PS ten thubuai an siamsak a ni.
