Fakselna 13th October 2018

0
942
views

Pathian thu sawi vak vak te, Biak Ina lam dur durte leh Court thubuai nei ram hruaitu atana thlantlin reng a inhmeh lo. Tumah an famkim bik hleinem tia kan sawi mawi chhung chu ram a ding chhuak ngai lovang. Kan Kristianna hi Biak In tual kan pelh tir a va hun ta em! Politics-ah hian Pathian ram i thlen tir mawlh ang u!
Tlumtea
————

Congress-ah hun rei tak \hangkhat lian ka lo awm ve ta a, party kalphung leh hmalak dan vawi tam tak ka hmuh hian tunah chuan ka beidawng chiang khawp mai. Family Congress vulh bik leh kuah bik nei, pawn lama mawi leh fel taka lan tum, election-ah sorkarna channa tur a nih dawn phawt chuan engmah pawisak nei lo a nih zia a taka hmutu leh hretu ka ni. Mahni pawl puite pawh pet chhuaka, a ruka bei \hin a ni. Tin, mi hausa sum nei lo leh mi rethei tan hmun a awm lo. Tun inthlan lo awm turah phei chuan MLA 12 kan pel dawn lova, sorkar ngaihna awm tawh lova, kan tla ngei dawna, na takin tunah kan che buai mek a, kan buai chho zel ang. A bik takin Lawngtlai E&W-ah phei chuan sum tam tak sengin kan tla dawn. MNF kan hneh dawn lo tih a chianga, kan hotu lian bang tur an la awm \euh a, LADC pawh reiloteah a buai dawn, a chhuak hmasa sa an vannei dawn ni berin ka hria. Tunah chuan kan dinhmun dik tak chu TITANIC lawng pil mek ang kan ni. Ka bei a dawng fai \hak tawh a, ka bang ve nghal a ni. Lehkha erawh siam kher a \ulin ka hre lo e.
Lawngtlai Pa
————-

Mizoram chuan kum 5 chhung zet atan ram hruaitu tur leh sum enkawltu tur kan thlang dawn hnai ta. Thlan sual chuan tlak chhiatna, thlan fuh chuan dinchhuahna tham a ni dawn.
RK Sanga
————-

Mizo hmeichhiate chu incheina manto ber ber te ngaisang lo chi an ni hleinem, kan ram hruaitu lu ber nupui hi ni khata a incheina senso hian mi retheite chawmna khawp a tling hial ang chu. Chu chu an entawn lo thei lo a lawm. Kan entawn tur te an ni sia.
Muana Fanai
————-

CM-in Mizoram kawngpui a \ha zawnga sawina a ramdang a\anga lo kalten “In kawng a va \ha ve,” an ti zel tih thu a sawi kha ka lo ngaithla fuh hlauh mai a, ka nuih a za lutuk a, awm ngaihna pawh ka hre lo hial a nia. Kan ram kawngpui a \ha tia faktute kha maw mitdel an nih mai bakah khaw hmu thei lo, men pawh meng thei lo ho a ni a sin. Chungte chu thutak khuka khukpui chi an ni lo ve. Mi sawi dana lungawi mai tur em ni kan nih le?
JK Muntea Ngaizel
————-

Congress MLA candidate a puan dawn a kan Mizoram kawng a \hatzia sawitu Pu Hawla’n a tih kha khawi lam mi tak ni maw? Eng ang pawhin \ha ti mahse ami chengte hi chuan \ha kan ti lem hlei lova, politically-a ham\hat nana han hman tlak a ni mawlh lo e. A \ha titu pawh chu khawi lam mi tak ni maw? A chiang lo a ni ang.
Keimah Theubema
————

Kawng chhiat leh \hat hre turin Silchar pelh kher a ngai hleinem ka pu. Mawl viau mah ila i thusawi a\ang hian kan fing ve hret hret e.
9436153688
————–

Tun \um Assembly inthlan tur chu party mala sorkarna la an awm dawnin a lang lo. Kan sorkar dawn tia iak iak ho hi chu dawtsawi pawisa lo ho an ni tlangpui. Chakma District ang chiah khan Congress leh MNF-in ZPM an inchuh dawn a ni. BJP pawhin MLA an nei anga, Pastor Chhawna inlarna ang khan mipui sorkar a piang dawn a ni. ZPM an \hang a, party anga phusa ve si lovin mipuiin an awn ru tlatin a lang.
9612076365
————-

Kan Chief Minister chuan hnamdang lo kalten in kawng chu a va \ha ve an ti zel e a ti a. Hetiang khawpa kawngchhia kan nei chung pawha hetiang \awngkam dengkhawng leh mipui zah lo taka a \awng \hin hi kan la ning lo a nih chuan Congress vote leh mai tur. Zu zuar ila kawngchhiate chu kan hmu mam ve vek mai ang.
Maggie
———–

ZPM chuan rin ai chuan hma an sawn daih mai. Thawk khat lai khan mi tam zawk ten darh leh vek mai tura an ngaih kha tun hmaa inkawp leh inzawm khawm ang kha la ni zel tur anga kan ngaih \hin kha tunah chuan an \anrualna thilah an puanfen an sawi chhingin \an an la takzet zet dawn a ni ta ang. Inthlan chuh tur ho rau rauvah anni, ZPM ho hi Pathian leh kan ram tan tih thupui nei ta zawk se an inhmeh zawk dawn a lo nih hi. Pastor rual awmkhawmna leh Pathian thu anga kal tum tlat an ni. Party dang candidate ho erawh chu lal leh duhin mipui bum tum leh reng renga an hun neihte mipui thlem thluk tumin an vakchhuak leh suau suau \an dawna, mite hneh theihna tur leh rilru lak pen theih nan an kawrhnuai fun tereuh te te an rawn present leh mai thei che u. Mihring hi lei theih kan ni lo tih kan inhriata, mahni duhna ngeiah vote i thlak \heuh ang u.
Zoram Spock-main
————-

MNF party hi tuna Zirliana te mi tlem te avanga boruak an siamna velah hian lian ta hleah an inngai a, an sorkar laia Tuirial Hydel Project tih hlamzuih, Referral Hospital tih pam \ul, baffacos sum an tihchingpen, ek in kal thei, a tam lutuk. Khang zawng zawng kha mipuiin kan hai lo tih hria sela, sorkarna siam hi chu an tan chuan pial tlepa liluh ang vel a ni e. Mahni leh mahni inbum hi khawvelah mi hlawhtling an awm ngai lo.

ZL-a
————-

MPF buatsaih Joint Platform chu a bengvarthlak hle mai. Chutihrualin Pu Hawla leh Pu Zorama te hetiang hun pawimawh em ema an kal ve duh ngai lo leh aikal an la ziah mai hi chu a khawharthlakin, tu emaw hlauh deuh an nei emaw ni aw a tih theih. Hetiang hun hi a awm leh ngaite a nih chuan huaisen taka an kal ve tawh ngei a va duhawm em!
Jonathana Pu
————