Fakselna (14th September, 2017)

0
313
views

Mamit kawng chhia hi MNF ho hian BANDH nei lo mah se kan siam \ha reng a, MNF party bandh neih vanga siam \ha an ni lo. An bandh nei hian nitin khawsaka ei zawng sumdawngte min hrêk zawk lo maw?
9615041107
————–

Mizoram hi chhumpui nasa tak min hual veltute – Hindu, Buddhist, Muslim thlirtu fing leh hausa bawk si kan neih avang hian Mizorama Kristian zawng zawngte inhmangaih tlang ila, kan ram tan hian \hahnemngai ila, sum hman thiam ila, kawng engkimah fimkhur \heuh ila, kan Pathian zah ila, a hnenah kan manganna te i thlen \hin ang u.
Tlabung aw
—————-

Vawiina Bandh siamtu party hian February thla tawp lam a\anga vawiin thleng ruah regular taka a sur reng hi an hre lo nge? An lal chak inhrawt zawk? Kawng phui reng hman lova paih fai a ni nghal zel hai dertu hi chuan in lal hun tur chu khawvel ral hun a ni tih lo hre teh u. Nangni rorel mek te u, opposition-a in awm ve hunah pawh \angrual sorkar laka buaina siam lovin thurawn tling tak tak in pe \hin zawk dawn nia. Bandh reng reng hi eichawp zawngte tan a hnawk ber tih hi bandh siam chingten lo hre mawlh tawh ang che u.
Arakan sorkar duhlova
—————

Hun leh nite an liam zel a, kan sawrkar pawh an chak loh ang angin an kal ve zel a, \henkhatin wheelbarrow nen te an tehkhin thul, \henkhatin Lalduhoma lah hi Hawla tawtawrawt \ha mite an ti mek bawk nen, sawi a tam \hin mang e. Hetiang a nih rau rau chuan Congress chhuahsanin Mizo Nationalist Party kan ram Remna leh Muanna min thlentu (MNF)-ah ka zuang lut mai tang e.
Thanga, London-a awm tum
—————

Kawngpui \ha kan duh a, kan au chhuahpui nasa ta e. Kawng \ha nei turin roreltu thlak ngawt pawh a ni lo, khuarel chhiatna a ni e. Kum bul a\anga vawiin thlengin ruah a la sur a nih hi. Lei a hmin a, an siam sa pawh a chhe rang si. Pathian thu awih ila, a rorelah kan awm a, kan ram roreltute pawhin Lalpa thu an awih loh chuan eng thil \ha mah an hmu lovang. Harh a hun tawh tak zet a ni pu te u.
9862611031
—————

Ruah a sur avanga kawng hi chhia a ni ngawt lo. Kawng siam \hat duh lova roreltute kha tute nge an nih tih hi a pawimawh zawk. Lei minin kawng a tihchhiat hi chu a dan theih loh. Lei min vang pawh ni lova heti tak maia kawng a chhiat chhan hi chu a changtupa hian mipui min ngaihnep vang zawk a ni. Khaw tinah PWD changtu hi bang rawh se tia kawng zawh tur kan ni zawk.
9862216410
—————-

MNF hian kawng chhiat vanga Bandh siam an tum hi ngun deuha an ngaihtuah hnuah mipui laka mark score theih dan tur ber nia an hriat a nih ngei a rinawm a, mahse tute nge tuar ber ang tih leh tunge lawm ang tih an ngaihtuah tel lo a nih hmel. Sorkar hnathawk kal loh pawha hlawh kiam chuang lote tan chawlhna an pe ang a, ni khat lek pawh thawh loha buai mai thei mi retheite tan chuan tawrhna a ni ang. An duh a, an vei tak tak a nih chuan hetianga mi rethei zawk leh mipui nunphung tibuai lo hian hma lak dan zawng zawk se. Delhi CM, Kejriwala chet dan ang deuh khan Aizawl khawpui khawilaiah emaw an party active deuh deuh hian bei se. A thuhrimah kawngte chu an sawrkar laia 3% contractor laka phut vang pawh ni kher lova, BRTF an hnawhthlak tak vang khan MPWD hian kan kawngte hi an enkawl seng lo a ni mai lo maw?
7005228608
—————-

Sum lo kal lo tih hleih loh, inthlahdah avanga heti em ema kawng chhe mai hi chu hnam boral tur zia a nih loh pawhin chu lam chu kan pan mek tihna a ni. Ram chhung kawng chhiat lutuk avanga Bandh ngai hial phei hi chu PWD Minister, CM ni bawk tan hian a zahthlak duh awm hi ka tia.
Dikduha, Mizo
—————

Total bandh chu a \angkai dawn a niang. Pu Hawla’n kalkawng a vei thar tak hi. A thu mai a ni em lo ang a, Helicopter kan lei ve hman \ep alawm le, Khuallian nih ve dawna thlawh vena turin. Addhaar card leh NLUP ni lo pawh hi phurpui tur a tam a nia. Lengkawia
8974244232
—————-

Ram hruaina hna sumdawnna emaw ti tlattuten ram an hruai leh hruai loh hriatna chu an hausa thur thur ang, an in leh lo a \hang zawt zawt ang. Lal reng an duh ang, an hnathawh chhuanawm lo mah se an zak hauh lo ang a, dawt sawi an pawi ti ngai lovang. An \awngkam thiam chu an hmanraw \ha ber a ni ang a, an ham\hatna tur chuan an dawhthei hle ang. Harsatna lo thlengah mahni in en khumin puh tur dang an zawng char char zel ang.
RK Sanga
—————-

Kawng zawng a chhe na ngiang mai. Mahse, kan duh tlang ngang a nih hi kan thlang lal leh \hin a, a tawpah kan buai leh mur mur a. Lo ngai reng rawh u, mawl tak tak kan tam si a, a phuk a phak pawh hre lo party ruihchilh ho, ^ tak tak an tam si a, an tling leh lo ang tih a sawi theih loh. Anni ho vote ai chuan kan \henawmte ui pawh ka vote zawk tang e.
No. thup
——————

Ka hmuh dan chuan mihring nunna titawitu chu ruihhlo leh zu hi ni berin ka hria. Chuti kara zu zuar si, tobacco ka do han tih chu a inhmeh lo hle mai. Kan ram mipui hriselna leh dam reina kan ngai pawimawh a nih chuan zu leh ruihhlo do ang u hmiang. Engpawh ni se, tobacco kan do dawn a nih chuan ram pum huapa hriat agent lam khap phawt ila, chumi hnuah chuan dan lova la luttute kan khap awlsam dawn alawm. A \ha phian lo ang maw?
HR Rini pu, Champhai
—————-

Zaithiam Zomuanpuii hi ka lo fak ve lawk. Hranghlui zaithiam a lo ni ve ta reng mai a, Mualcheng lo zawh runpuia an sawm che hi engtinnge an la hriat theih che? A chhan chu i zaithiamna leh i talent hi an hriat reng vang a ni.
Vannunmawia
—————-

Pathian ni lo, thil dang min awm tlei thei thil a va tam ta em. Chawlawlna khawvelah kan leng mek e, harh a hun e.
Ruthii Pu
—————

Lalna thlakhlelh avanga a chhuan chhe ber ber kan chelek duhna hian tute thinlung tak hneh ang maw? Kristian dik tak tan ngaihthlaka beng thlep hnawkna tur a tam hle mai. Ram an hmangaih tak tak a nih chuan buai laia vai sipaiten khua an hal lai te, hmeichhia an khawih lai te, khawchhung pa ho leh tlangvalte an pawng vuak a, hmeichhiate pawh dimna leh zahngaihna tel miah lova an vuak laite khan chhan turin bandh han huaihawt se kan thlawp khawp ang. Chuti a hnehin a tlanchhe thui thuiah an \ang a ni ber a, chumai a ni hlei nem, mahni Mizo puite vai kut tuar tura kawktu mawlh mai kha aw!! Aaaa.. a tam lutuk ka sawi seng lo.
ZALENA
—————

Bandh vanga kawng hi \ha thei tura ngai tawk party hian lal leh ta se min thlen sanpui awm lo mang e.
Hmingliana, Aizawl
————–

Hnam inpumkhatna lam ve thung le. Tun hma khan Mizo nihah kan inlungrual \hin. Mizo \awng kan neih hnuah a thiam ve loten Mizo an inti \ha duh ta vak lo. Anmahni venthawn vang ni maw, kan zirlai pawl pahnihten Mizo \awng chu 8th Schedule-a dah an duh loh phah a ni awm e. ZORO ho lahin Mizo tia dah ngam lovin Zo an ti ringawt a ni emaw ni? Chuti a nih chuan, ‘Mizo \awng’ ti lovin ‘LUSEI |AWNG’ ti leh ta ila, 8th Schedule-ah pawh dah ta ila, kan inlungrual tlang lo’m ni? Zirlai pawlte leh ZORO te khan Komiti-ah han sawi chhuak teh u. A lo \ha phian mai thei asin.
8413931575
—————-

ZU ZU ZU Ruihhlo a ni ve lo em ni Pu Hawl? Meizial rim ai chuan zu rui \hing rim hi a rim chhe zawk fe lo maw? Zu in zawrh avangin ruihhlovah in ngai lo a ni maw?
Zuninga, Azl
—————

Zonuni nen thingpui sen tihah hian mi turu, chhuanawm tak tak te hi kawm \hin se kan lo ti mai mai. Lar naran ringawt lo, belhchian dawl tak ho kawm tur an tam ang…hahaha.
Lalliankungi
—————

Kan kawngpui te chu \ha tur a ni lo hrim hrim ang, mei zûk do tluk pawhin a siam \hat hi kan vei lo tlat. Pawisa sem thlahlelin kan thlang a, kan dawng nual hlawm a ni lo’m ni? Kan hlawhtling khawp alawm. A dawt lehah pawh pawisa sem umte kha chuan vote leh ula, a lehlama a man in pêk tur chu a sang zel ang. Kawngpui \ha man tur kha a tangkafaiin in la tawh alawm.
Kimkima
———-