Mizoram chanchinbu tam tak zinga pakhat, Vanglaini chanchinbuin MNF party chhinchhiahna a tihsual palh avanga mipui candidate Lalnghinglova Hmar leh Pu Sapdanga chunga R.O. (Aizawl DC) meuhin FIR thehlut a a khing ta mai leh thil serious ve em em tho, Lunglei lam Polling booth hrang hrang a candidate, Pu Hriata leh Pu Tetea serial no thlakthleng a ni a, complaint pawh thehluh ve ngei niin, FIR hmanga bawhzui erawh a ni ve hauh lo hi chuan mak tih a hlawh viau a nih hi maw le.
Chutih rualin tun MLA Election campaign hun tawp dawn \ep a, Pu Duhoma lem leh BJP symbol dah dun a, Leaflets sem chhuah vak a ni te, 2013 Election laia insawifihlimna hun awm miah lo a ZNP leh hel pawl thawkdun anga, dawt hmanga thu thehdarh te kha FIR thehluhna tham vek a ni. Mahse a tuartu party-te hian a \ha zawk duhna avangin an ngawihsan mai a nih kha. Hengte hi Zoram mipuite hian kan hriat a kan ngaihven hi a ngai a ni.
Engpawh nisela Pu Lalnghinglova Hmar (Tetea) hi a khingpuite hian an lo hlau em a nih hi mawle.
Jonathana Pu
93666 30785
Senso tam tawkin ukil an ruai a. Mahse wine shop neitute’n an duh apiang court-ah an phur chhuak zeih zeih thei a. Law Minister emaw, Excise Minister thiam loh nge, sorkar hian zu khap a tum tak tak lo? An pu lahin zu sawi bang thlei lo.
ZPM Pavalai
96121 26503
An nunkawng pangngai an zawh laia mi \ha, ram tana chhehfakawm tak tak tam tak political party-a an luh hnua ram tana sulhnu ropui hnutchhiah loa ral ta mai mai kan hmu ta nual mai. Kan ramah hi chuan politics hi mi nun tih chhiatsaktu, mi nuihzabura siamtu a nihna chen a la awm. Pate thei thur eiah an fate ha a \im mêk zel a ni ber e. Mi \ha khan sawi chhiatna tinreng a phur a, anchhe lawh tawk lah bo lo.
Mesaka Putea
8413024376
Two wheeler khalhtu zingah signal pawh pawisa miah lova mi overtake chingho hi man teh u. An hlauhawm thei em mai.
KLL
9436141804
MP thlan boruak ka hmuh dan: Tetea boruak a sang zawk a, \halai lam lawm a hlawh zual. C. Lalrosanga pawh vote tlak dan enin tling thei a ni. Vote tla a tlem a, ruling MNF chuan vote an thlak \hat a rinawm. Tling tur rin thiam a har deuh na a, boruak thlirin chhim, hmar, chhak leh thlang khawpui tinah Tetea boruak a sang zawk.
VL Ruata
8257065411
Inthlan boruak thlirin opposition lamin vote thlak an phur lo naa party pahnih \angrualte puih an boruak a \ha dun deuh. Pu Rama hi a \awng tam thin a, mi tam tak chuan an ei lo \an niin a lang.
Lalremmuana
8014168221
Pu Rama hian hnathawh \hat leh diknaa mipui a hneh a nih loh chuan a thusawi leh \awng tam hi mi tam takin an hne hman tawh. Congress a\anga vote-tu leh neutral ho vote lo petute chuan a thusawi an nuihzat \an ta.
Duata pu
8730099759
Fakselna hi ka ngaithla deuh ziah a, \ha pawh ka ti a, kei pawn eng eng emaw chu he Fakselna huangah hian ka lo ziak ve tawh a, thu \ha leh \angkai, sorkar lama thuneitute pawhin an bengkhawn leh bawhzui tur chi thu \angkai ziah hi intihhmuh zel chi niin ka hria. Ni 14/4/2019 (Pathianni) tlai dar 4:30 vel bawr khan Dawrpui phei a bike a kan tlan laiin kan hnung lamah bike thawm ring tak tak kan hria a, kan inrin hmain Dawrpui bus stand piah deuhah kan hnung lama bike chuan chak em em maiin, wrong side lehnghalin min rawn pel phei puat mai a, a hnung lamah a \hiante ni ngei tur pali vel chak tawkin an rawn tlan leh bawk a, midang tlan pawh an tam a, khang ho karah khan intlansiak ni mai awm khawp a chakin an rawn tlan puat puat mai kha a ni a, dan phal baka chak chuan an tlan chiang mai a, chu mai bakah mi dang an tiralkhel hle bawk. Vantlang kawng zahna pakhatmah neilo ho hi kan traffic police fel tak tak te hian Pathian niah hian traffic point-ah chauh nilo hian mipui kan him zawk nan enthlatu/duty hi siam \hin ta se a va \ha dawn em tiin Fakselna kal tlangin rawtna ka rawn siam a ni.
Mesaka pa
9863285006
Tun \um MP thlan hian Mizoteah harhna \ha tak a thlen chu MP ngaihsanna leh dah pawimawhna a lian ta hi a ni. A hma zawng kha chuan State MLA tluk pawhin kan ngai lo a nih kha. Hun a kal zel anga MP candidate tur hi kan duh uluk chho zel tawh ang.
RK Sanga
