Fakselna 15th December, 2018

0
839
views

Mizoram mipuite tana thurawn \ha tak tak tur hi a mipui huap anga inzirtirna \ha leh hrisel hi khawi a\anga lo irhchhuak nge tih chuan mi \hate a\ang a ni tih hi kan hai ka ring lo. Tin, a bul chu Lalpa Pathian thu a\angin zung a lo kaih a, mite thinlungah a rawn irh chhuah chuan a sawitu tan robawm \ha a\angin thil hlu tak a rawn pholang tihna a ni. Kan hmu thiam \hin em le?

Remremi nu

India ram rorelna leh ram mipui kaihruai tur em hi chuan Rahul Gandhi hi a rintlak tak tak loh. Chuvangin Mizoram Congress Party pawh hi a zik a bul chho ta a ni ber mai. Congress Party te hi sawichhiatna hran neih ngai lovin, anmahni hi an chhe chho dawn chauh chu a nih hi. Miten India ram hi chak taka an hruai chhoh mek lai hian Indian National Congress te chuan mi tih dan an rawn zir ve ta chauh hi a lo ni a! Heti anga miten chak taka ram an hruai tawh laia heng mite kal dan la zir chawp chunga lehthal chu a tin pawha tin chi a ni lo. Tuna Central BJP chakna ber chu Development Project a nih angin tuna MNF chak chhan pawh hi Development PROJECT tho a ni.

PH FANAI

MNF-te kha insorkar ta maw, \ang hle rawh u, a hmasa ang maia in awm leh chuan in hmabak chu tlak thal tawp a ni mai.

Chhimpa

Sorkar thar nuai thum sem hunah Mumbai zin ve zuai teh ang.

Muanga

Election thila sorkar hna nghet lo hlawh tlem te te MR leh contract-a thawkte thla khat zet chhun zan zawma chhawrte hi honorarium \ha tawk pek an nih leh si loh chuan corruption chi khat leh inhremna ni hialin ka hria.

8787737458

MNF mi leh sa, Facebook leh Whatsapp hmanga ZPM anga inchhala thingtlang mi bei vak an awm hi a pawi mange aw. Sim atan a \ha ngawt mai. ZPM chuan beih a hnekin an hmakhua a ngai em em a, an dinchhuahna tur a ngaihtuah pui char char a ni.

ANTI-MNF

Fakselnaa Tlabung Uitangrualte EMV rinhleh leh rinhleh loh thu rawn zawttu khan Fakselna a nihna ang hian i fak chu fak mai la, i sel chu sel mai rawh. Mi rilru i hriat zel erawh a ngai hran lo ang. Tin, Chakma hi maw hnamah leh an sakhuaah hian an chiang hle a ni. Inhrilhfiah vak a ngai lo, a chiang tawk viau bawk, rilru neih ve mai tur tihna a ni mai a, sawi tam vak a ngai turah kan ngai lo.

Hnam Arsi & ZORAM SAKEI

Heti tak maia sorkarna an siam tawh chung pawha MNF hovin ZPM dawt thu mak tak tak hmanga an la beihzui char char danah hian an Ministry-ah hian an thlamuang ngang lova, hlauhthawn ruk an nei a ni tih hi a va hriat ve le!

Jonathana Pu

Mizoram sorkar thar lo piang chuan tih tur an ngah dawn mange. Campaign laiin tiam an ngah tehlul nen Pu Zoramthanga TV interview-naah thuthar dang an sawi leh chu a nia. |awngkam a thiam sia, a sawi ang thil a tih theih loh vaih chuan mipui hi bum chi kan ni dawn tawh hauh lo a nia. Pathian \ihna leh diknaa ro an rel lo a nih chuan sorkar thar lakluhnaah kan sakhaw puithiam leh Pathian fakna hla nen bul \an mah se chinghne beramvun sin ang chauh an ni palh ang tih pawh hlauhawm tak a ni. Chuti lo ni se, kum nga chu sawi loh an daih rei lo tawp ang. Mahse, an sawi anga thil an tiha, Pathian \ihna nena roreltuten an rel a nih chuan kum nga dang pawh Lalpa’n a pek belh leh ngei ang.

Puipuia pu, Aizawl

Hmana mite bawk kha nimahse, ham bawrh bawrh tur avang deuh tawh anga, Hydel Project an hawng hman hlauh a, Referral Hospital an zo thawkhat bawk a, mautam a hla rih bawk a, Police mawza pawh la \ha viau turah ngai ila, toilet van te nen khan! A…. sawi ta zel ila, ransom money pea inpuh chiamtute, OPD chhawng tibova inpuhtute, Health Care sum mahni hlawk nana Godrej Company a daha inpuh chiamtute kha an lam ho thei tawh a, EIRUK lam chu an insum ve deuh tawhin, eiruk tur pawh avang deuh tawh ang chu maw! |awng\aina pindan pawh siamthar lehin a takin an hmang \angkai tawh em ang chu!

Zova, Mizo dik tak

Sihphir leh Vairengte inkar kawng hi neitu awm lo ang mai a ni. Congress sorkar hi kawngpui an ngaihthah avang ringawt pawh hian tla vang vang tlak an lo nih hi. Sorkar thar hi chuan kawngpui hi ngaipawimawh hram tawh se ava \ha dawn em.

Berbera Pu

Kan MLA thlan tharte chuan rulh leh ngai tur ang chi chuan TA bill tawh lo hram sela a \ha ang e, a \enghneng tlat.

Citizen