Fakselna 15th June, 2018

0
675
views

Rethei chherchhuahna khawl “SEM POLICY” zuartute hi chu 2018 inthlanah hi chuan dah nil \hak ila, hmunphiah kg 1 Rs.100/- leh sawhthing kg 1 Rs. 50/- zela lei tumtute hi lal\huthlengah \huttir ila ‘retheihna um bona’ awlsam ber a ni. Bible-in rim taka thawka ei hmu tura a tihte ho kha i \angrual ang u.
Vena Pu
————-

A chhelai siam \hatu Pu Lal Thanhawla dam reng rawh se. Tuirial Hydel Project, Falkawn Referral Hospital. Hengte hi MNF hunlai khan an pam\ul a, tunah chuan Pu Lal Thanhawla kaihhruai Congress sorkarin a siam \ha leh vek a, Zoram mipui tan chhenfakawm takin a chhe lai a siam \ha hi a va ropui tak em. Medical College te hi a va ropui tak em. Pu Lal Thanhawla dam reng rawh se.
R. LALHMUNMAWIA, TUIKUAL S
————-

K. Lalhruaitluanga kha kan duh nasa che a nia, i hmel hmuh zel kan beisei tlat.
Marami Chawngthu
————-

Mizo \awngah chuan kap-kah, hniak-hniah, nasa-nasat, lian-len tihte leh a dang tam tak a awm \hin. Chu chu tunah hian kan hre ta lo em ni? Putar pui pui pawhin vawkhniahzawn tihah te an buai em em \hin. Kan thuthar puangtute pawhin ruah sur nasa avangin, tui lian nasa avangin an ti leh mai \hin.
8413931575
————-

Zonet Zawlbuk hi a volume a ring thei lo em ni aw? News puan phei hi chu hmaih ngai lo kan ni a, a volume a full a kan han dah ngial pawhin enga tinge a zawih em em \hin chu aw. A ngaimawhawm khawp mai.
RODY PA
————–

Party hruaitute hi tumah ka ring tawh hlawm love kan ti a nih pawhin keini chuan kan mi rin tawh loh ho rau rauvah ram hruaina kawnga min la kaihruai ve lo pawl vargin ZPM, Pathian thu hmanga ram kaihhruai tumtute hi an mizia “RAM HMANGAIH MIAH LO” kan hriat chian tawh te ai chuan kan la ring zawk tho tho mai a! Enchhin pawh an chakawm reng a ni. Anni lo hi chu tute nge kan rin ngam tawh ang le? BJP lah Mizoramah na na na chuan an \hat lohna mipuiin kan hre tawh si a. Engpawh ni se tun \um inthlanpui lo awm tur atan chuan Pathian thu hmanga inkaihhruai theitu tur ZPM bawk hi han sorkar ve se, mipui kan hlim tlang zawk ngei ang tih a chiang e. Hawh u i \angrual zel ang u. |anrualna hi chakna hnar a ni si a. Chu lovah ram venghim zo lo, ngaihsak bawk hek lo leh a dera ram hmangaihtute hi chawlh tir ve an hun ve ta e. Mipui mawhphurhna a lian hle a ni. I \ang tlang ang u hmiang.
MS Chhakchhuak, Aizawl
————-

Kan Zoramah chuan BJP tan sorkarna chelh thei khawp mipui a neih loh avangin Central lamah a huat ber mai Congress party hi sakhuana lampang tan uisathiamah a hman ngei a rinawm. A chhan chu kan CM hi chal hnawihsen harsat lem lo leh Central party an ni miau a, Zoram hmangaihtu leh sakhuanaa chiangte, tual\o party te, ram leh hnam tan sakhua tan \ang sauh sauh teh u.
THINGTLANG PA
————-

K. Lalhruaitluanga leh Lalnun\awma Fanai te TV reports inrawn siam \hin hi a ropuiin a hlu hle mai. In zarah kan bengvar, mit a tlai \hin khawp mai. Ka ngaisang khawp mai che u. |ang zel teh u khai. Lungte pawh inti leng khawp mai.

Mahse, in programme-ah hian enga tinge fakna hi a sound a rin bik em em mai le? A pawimawh zawk nia ka lo ngaih hi a zawi leh em em mai \hin si a.

VL Sailo
————-

Miltona, Vaivakawnin driving manner Vanglainia a rawn ziahah hian indicator/signal light hman dan sawi tel tura ka ngaih laiin a telh lo hlauh mai a. Heng light hi kan kalna tur chauh midang hrilhna tur a ni a, midangte kalna turin hrilhna a ni lo tih hi hriat a ngai. ZDU, Transport Department leh Traffic Police lam hian sawi uar ila ka va duh em. Safety week flag zawrh ai chuan a hlawkin ka ring. Tin, Driving test tite pawh hi MVI hian hrilhfiah se, kan Driving school te pawh hian an zirlaite lo zirtir nawn mawlh rawh se.
R. LALRINKIMA, Hidden Lodge, Chanmari, Aizawl
————-

Kan sorkar chak inti tak kawng siam chu a va chhe hma ve le. Ni khat leh zan khat ruah a sura, a khawk chhe nghal mai lawm le. Mizoram sorkar hian thil \ha tih a thiam lo em ni zawk? |awngkam chhuak chauh hi chu ram mipui hian kan hmang \angkai mawlh lo a ni.
LT Ralte
————-

|awngka hman dan dik zawk: JBC aiah Excavator. Sumo aiah Maxicab. Negro aiah Black/African American.
9612126503
————-

Zonet hi in Mizo \awng a \ha viau \hinin ka hria a. Chutih laiin nizan leh zan hmasate khan ‘\hian dun’ tih mai turah ‘\hian dun pahnih’ in rawn ti ta mai a. Khawngaih takin rawn tidik tawh teh u. ‘A hmuna kalin’ tih mai tur ‘A hmuna kalchilhin’ in rawn ti kher te hi a fiah zawk inti nge ni? Kei chuan a fiah phah sawtna ka hre lem lo ve.
RMA
————-