YMA chuan ruai \heh lo turin an beisei maw? Lunglei South bial Khawmawi khuaah chuan Congress lam chuan an candidate hovin an \heh leh hem hem mai. A sawt vak hmel loh khawp mai.
Fala pa
————-
Vengchhung \halai intihhlim nana zan rei tak tak thleng maia thawm dim hauh lova hun hman hi thil fuh ber a ni dawn emaw ni le? Hmanniah damlo awmpui ngaih avangin Ramhlun North-ah ka riak a, \halaite intih hlim nan ring em emin Pocket Tanks an khel a, commentator a la awmzui nen damlo ka awmpui kha ka khawngaih ngawih ngawih. Hetiang ang hi chu veng dangte chuan ti ve lo hram ila, Ramhlun Veng \halai pawh chhun lama intihhlimna te hi uar ta zawk ula. Zan hi chu Pathian pawhin mihringte chawlh hahdam nana hun min pek a ni tih hriain zah thiam tawh ula a va han lawmawm dawn em.
8257814246
————-
Central-a BJP sorkar chak taka a kal avang hian Mizoramah MLA atana BJP an tlin ngawtna chhan tur a awm lo. BJP-ah District hruaitu lian hunrei tak ka lo ni tawha, Central lam hotute rilru hi chu ka hrechiang ve tawkin ka hria. Delhi tlang a\angin thil an tiam mai mai lo. Tuna Mizoram BJP hruaituten Central-a an pute thu niawm ang taka Mizoram tana thil \ha tih tur an tiamte hi dawt vek a ni tih Zoram mipuiten kan hriat a \ha. Hei hi chu Mizoram BJP hruaituten min lo puan sak ru tia an ngen avanga North East BJP hruaituten mipui bum nan leh vote hmuhna atana an tih mai mai a ni. Ka lo awm rei tawha, ka hrechiang, Central BJP hruaitute hian a mai maia sum sem leh vote zawn nana thil tiam vak vak an ti ngai lo, mipui hipna leh bum tumna mai mai a ni. Mizoram BJP hruaitute hi inhek reng, inbei reng an nih bakah an hotute hian mipui vote-tu tur an neih loh avangin Central-a an hruaitute hian an ring lova, beiseina pawh an nei sang hek lo. Therhlo leh an sum duh vang mai mai a nia, thui an kal dawn lo. MLA pahnih khat lek nei State hi enga tan teh ual min ti love. Tun \umah pawh hian dahkham an chawi deuh vek dawna, an vanneih berin Chakma area-ah MLA pakhat te chu an nei ve mahna. Chu pawh rinthu, an pute an beidawng anga, tuna nihna inchuha hruaitute hi election zawhah an rawn paih vek dawn, lo thlir reng rawh u kan hre mai ang. JV-a hi mi chak, Leader \ha a ni lova, Politician \ha a ni lo bawk, mi leh sa rintlak tak tak a nei lo.
No. thup
————
Kan ram hruaitu a tana kan duh nia ka hriat ve dan chu ruihhlova fihlim lo. Pathian kawra hmangtute, hleihluak taka party bil tana hma la thiam te, chhiatna a lo thlena mawhphurhna la ngam lote hi kan ram hruaitu a tana kan duhte chu niin ka hria.
Carolini pu
————-
Congress-in kum 10 dawn ro an han rel meuh chuan kan Reverend meuhte pawh Pulpit tlang a\angin an ngawi thei ta lo. Dil loh zawk malsawmna a\ang hian kan thi mawlh mawlh mai. Mipuite \hanharh a hun takzet mai. Setana hian Congress hmang hian hem lianpui a thlak a nih hi. Heti chunga mipuite kan harh lo a nih teh chuan maw kan va chawh dawn tehreng em.
9862450070
————-
Kan CM hi Aibawk leh Darlung inkar kawngah Pickup hnungah \hut tira han tlanpui ka va chak em aw. Kawng chhia chu a ni lova, han insawh ve mai mai se ka ti.
Peka pu
————–
Missionnary nuaikhat a ti leh tawh. Ram ropui kan inhruai thleng leh pek lovang. Ek in kal thei, Dawtkaltheia tak hi chu aw. Heng ho hi an lal hmaa an dawtsawi ropui tak takte hi a tak an chang ngai chuang si lova, lal lo se anmahni hian an thil ropui DAWT sawi hi lo lungawi pui mai mai se a \ha tawh zawk anga.
Tlangvala
————–
Chakma chungchang hi politics-a ham\hat lak tuma inbeih vak vak ai chuan hnunglama thil awmte theihnghilha hmalam pana \anrual dan ngaihtuah a hun tawh zawkin ka hria. Kan inbeih vak hian a sawt loh bakah Chakmaten min hmuhsit phah zawk ngei ngei ang.
8837489511
————-
Inthlan a hnai ta a ni ang MNF leh CONGRESS te an intam siaka, nau mu titho zawngin an inumkawi dur dur mai a, motor-in, ngun taka ngaihtuah chuan senso a tam sia, ram \hanmawh bawk zawng a ni ngei ang. Ram hmangaihtute an thau tulh tulha, an hmangaihte kan cher tial tial chu a nih hi. Hmangaihte \ahna a sei leh dawn a nih hmel hle mai.
8730841016
————-
Ka Fakselian puite leh Zoram, Zofa zaleng zawng te u Chakma Autonomous District \hiata, Assam ramri chingfel tura intiam ngam awmchhun ZPM hi support turin ka sawm a che u.
LB-a Pa
————-
Inthlan campaigner-te hian inbumna, \awngka dengkhawng leh uchuak deuh deuh hi chhak chhuak fo tawh lo hlawm se a va \ha em!
Manifesto hi tluang takin aupui mai rawh se. An tlin lohin an \awngkam hian a vaw let na lutuk hlawm palh ang e.
Zohmangaiha
————-
Boruak siam nan leh mipui rilru lakpen tuma motor-a in trip khawma rik hut hut leh ngai leh ngai inlawmluh kual vel tactic hi chu a \hing tawhin a va ninawm tehlul em! Policy sawi tur mumal nei mang si lova ‘kan thawm a lian ber’ tih vel mai maia kan la kual vel hi chu RAM HLUI ZIA dik tak a ni.
Ramveia
————
ZPM hi ZNP zia kha lain social media leh media hrang hrangah \an an la nasa hle a. An worker ho hian Fakselna te hi an ta neih deuh chawt chu a ni ber a. Fakselna leh Social Media bak hi bial him nei tak ang maw?
David M Zadeng
————–
BJP hotupa lo kal chu R. Deng\huama Multipurpose Hall-ah programme an hmang a, an ti \ha hle mai. MNF te khan Hnam R<n kawt kawngpuiah programme ang hmang ngawt zel a, lan tam tumna lutukah motor kawng zimteah an inkhawm \hin a, mipui tana harsatna siam zawngin an phawvuak lutuk ringawt.
Tun a\ang hian mipui zah derna pakhat mah an nei lo.
8794603279
————-
