Fakselna 18th May, 2019

0
576
views

Zonet TV Scroll-a programme tar leh a taka hun hman hi a inmil lo nasa thei khawp mai. Dar 6-a chanchin langsar zual puan tura tar pawh a chang chuan 6:30 dawnah te puan chang a awm. Ni 16 pawh khan infiamna chanchin thar puan hun tur dar 7:45 pm tia tar a nih laiin infiamna chanchin thar hi puan a ni lo hrim hrim a, Zonet pawttute min zah lo hle a ni. Ram mipuiten engchen nge an lakah rinna kan nghah ngam ang le?

9089667399

Kan ram hi hmangaihtu a nei ta lo em ni ruihhlo avanga kan buai tak mai le? Han en teh u Mizo tlangvalte u, en teh u Mizo nulate u, \hian chhan thih ngam kan nih kha. Ruihhlo vang hi chuan kan ram hi ti na lo hram hram ang u. Doral hmaa zam ngai lo kan nih kha. Ruihhlo avanga kan zam leh mai chuan kan pi leh kan pute din sa kan Zoram hi a la bo ngei ang. Kan ram hian hmangaih taka enkawltu tur a zawng mek a sin. Mizo nula leh tlangvalte u hun a la awm lai hian i harh ang u. Hnam dangte kan ti hausa mai dawn an ruihhlo zawrh kan lei zel bawk sia.
Ram hmangaihtu Septea pa

8259836533

MZP leh CYMA hruaitute hnenah hengte hi ka ngen e. Hruaitu an nih lai chauhin Assam nena kan RAMRI an buaipui hluai zel a, Congress party leh MNFparty-a an luh leh hnuin an vei zui duh tak tak ngai lo, hei hi vei zui \hin se ka duhin ka ngen zui a ni. Kan politician ho pawh hian eptu lama an \hut lai chauh hian ramri khu an vei \hin a, sorkarna an chan hian an theihnghilh leh daih zel bawk. Sorkar lai mek MNF ngei pawh hi harh mawlh teh se. MZP leh CYMA hruaitute pawh politics advantage mai maia pawl ropui hruaitu ni a, a tawpa ramri vei hmui hup leh thei ni tur hian in member te hian an phal lo che u a nia. Hruaitu hmasa political party-ah te an lut a, ramri vei zui chu khawi lamah?
PAVALAI

8014499153

MNF sorkar hmasa-in Referral Hospital an tichhe vek tawh a, hei tunah an sorkar \an dek dek a, MIMER Medical College an han sawngbawl danah hian an tichhia-in an tikhawbaw leh mai ang tih a va hlauhawm leh ta ve.
Thingtlang Pa

9436771584

Zoram Medical College tih hi ka la digest thei hlawl lo. Mi state te pawhin damdawi in hming lam pum har fe fe an nei ve tho a sin. Silchar pelh loh thlak em mai.

8794835992

Beng muka liam zawih zawih sum hman tur nei chunga step khat pawha hma min sawnpui thei lotu, Mizoram mamawh ngawih ngawih Tuirial Hydel Project leh Referral Hospital ti \huanawpa titawptu MNF kan thlangtling leh duh hi mak ka ti. Mizote hi hmasawn aiin Hnam ral tur kan ang ber e. I fimkhur tlang ang u.
VL Ruata

8257065411

MNF sorkar term hmasaah khan sorkar hmasa hmalakna, Mizoram tana rotling tur, Tuirial Hydel Project hna kal lai kha compensation uchuak lutuk vangin an hluihlawn tawp mai a nih kha. Hei tunah kan Medical College neih ve chhun, bul \an tir te leh nghal chu a ti \huanawp zawng leh Zirlaite harsatna thlen zawngin hma an la leh ta a nih hi. Hetianga hmingthlak mai mai buaipui tawk ram hruaitu kan nei hi chu a vanduaithlak takzetin ka hria. A thlang tlingtu mipuite lah hi kan hawi hu mai si a nih hi.

Beidawnga

9366630785

Danin a phut anga Primary leh Middle School Zirtirtu hna hmuh ve theih nan kan Mizo \halai tam takin TET pass turin an zir a, hetiang anih laia TET nei lo, tuna Mizoram sorkarin lak tum nia lang hi thil dik lo tenawm tak a ni. A changtu Minister hi rin a ang lo hle mai!!
Thlirtu

8729984567

Mizoramin MBSE kan neih a\anga vawiin thleng hian pawl sawm leh pawl sawm pahnih result hi a \ha thei hle a. Assam Board-ah khan first division-ah Zofate kan lang khat hle. Tunah MBSE-ah first chu sawi loh, distinction-ah za tel teh meuh an tling ta, tun hma third-a pass kha a tam ber ni \hin kha an tlem ta. A hniam lam arh \hin kha a zuih ta tlat mai. Mahse, Central service-ah chuan tun hma kan tluk leh si lo. Ngaih a \ha mawlh lo. Marksheet \ha tak tak nei si, hman tlak leh mang si loh hi kan chhuah \euh kum tin a ni mai em? Enfiah kan ngai em?
RK Sanga

9862366590

Beiseina sang takin MNF sorkar hi kan la lo hmuak a, zirtirtu lak an tum dan a\ang hian ramhlui zia bawk a lo lang leh ta. A hahthlak leh dawn mange. Mi \ha chu an awm, mahse an al hneh ngang lo a ni e.
Duata pa

8794050075

MNF sorkarin zirtirtu 946 lai mai an la tur chu a lawmawm e. Tunlaiah kan \halai lehkhathiam hna hmu lo an tam si a, sorkar hmasa Congress sorkar kha chuan an lak sa pawh an ban \hen vak vak zawk a nih kha. Heti chunga MNF sorkarin \halaite hmakhua ngaia heti zat mai zirtirtu an la thei tur hi chu Congress lam hi chuan sawibuai ve khanglang suh se. An sorkar lai pawha an ngaihsak miah loh a nih kha.
LZ, Aizawl

9612898237

Chhim lamin current inneih \hat loh thu kan lo hriaa, hmar lam paw’n kan nei \ha bik chuang lo. Kum nga chhung chu kan tuar tlang fan fan a ni ang chu.
Sawmsawmi pu

7005678161

MNF hi Hnam movement kengtu ni lovin, vai hnena min tuluttu leh vai min hlauh tirtu mai an ni. An hotute phei chuan vai tlawn dan an inzirtir ber.
Lalrinfela

8014168221

Pu Rawnga leh Pu Chhunga khan kum sawm hnua ennawn theih turin vai min zawmpui a. Pu Denga’n kumkhua atan Luka ziak tluka nghetin vai min zawmpui thung.
Duata pu

8730099759

Congress ho hi beiseina an la neih lai hian bengchheng hle se, sorkar khalh ngilna atan a \ha. Tun term bâk beiseina an neih tawh hmel si loh a. Hei Pu Duhoma pawh ZPM inzawmkhawm lamah a phur vut vut em hi. An party malin an ding chhuak dawn lo tih a hre chiang ve tawh a ni ngei ang. Hetiang chiah hi Congress hmabak a ni. MNF pawh hi tuna an sorkar lai hian an che \ha fe a nih loh chuan an ding chhuak tawh lo ang. Mipui kan â tawh tlat lo. Kan beisei ber ZPM pawh hian Pu Duhoma hi an ven uluk viau loh chuan beisei an phak lo ang. A thu sawinaah hian a hotupa berah a indah leh hmiah tawh hi.
Putea

8413024376

LADC inthlan zawh takah khan Lal Thanhawla chhungte kha in va tlem ta em em ve le!!
Carolini pu

9862216410