Fakselna 19th December, 2018

0
667
views

Opposition lam hian MNF Minister te portfolio insem danah hian an lo buai zawk a lo nih hi mawle. MLA 7 nei ho sawi tawk awm vel a ni. Party inrelbawl dan engmah hre pha ve lo hian fuihpawrh ka tum e chu inlo ti ve chu a nia. Chapal ral \hak khawpa kawng inzawh hunah chuan in la sorkar ve mai ang.

VS Chhakchhuak

Mizote kan la changkan lohna pakhat chu Krismas carol leh a hunlaia hla dang daih thlang \hin kan la awm hi a ni.

9436365342

Zu khap hun a huphurhawm. Mihing rim hria Vangvat ang maiin Blackers an rawn lang \uam \uam ang a, a man tovin an zuar ang a, kan tu leh faten an in ang. SUM an sen belh ang. Sorkarin chhiah a la thei dawn si lo.

Mao tse

Tun \um chu EVM ringhlel thawm a awm ta lo maw? Englai mahin a rinhlelhawm loh reng a ni! Mi pangngai leh pangngai lo chu an chunga thil thleng an hmachhawn danah a hriat mai \hin. Kan duhthusam vek hian khawvelah thil a thleng zel lo, hetiang huna tuar thiamte hi mi pangngai an ni e.

Ramtea Mizo ngat

Sorkar thar kan nei ta a, a va han lawmawm em. Chutihrualin hmana MNF ang kha a ni tawh em lo ang chu maw? Hmasawnna hian min zuan k^n tawh lo se kan ti khawp mai. Mahni party uchuak taka duhsakna kha inkal pel tawh ngeiin kan ring. Pathianin a hriatpui leh mal a sawm tlakin ro han rel teh u.

Fela pa, KK

MNF sorkar hnena ka ngen duh te, Congress ho anga chapo lo turin leh a thlangtlingtu mipui zah lo leh tham lo taka \awng khum ve lo turin. Sawi ringawt ni lova a taka thawk turin. Pathian \ih ula Pathian hming a naranin sawi lo ula, politics hmanruaah Pathian hming lam lo turin leh khenbeh kan ni a, khenbeh chu a tho leh ang tih ang chi Isua thihna leh thawhlehna politics tehkhin thuah hman ve loh te hi a \ha. Thingtlang mite ngaipawimawh hle turin ka ngen a che u.

PAVALAI

Kan Assembly Speaker thar chu a \hat hmel khep khep hle mai a. MLA te zahawmna kengkawh turin leh an chanvo tur \ha nia a hriatte
Assembly Session hmasa berah a sawi chhuak nghal hmiah mai. Opposition MLA-te leh Ruling MLA te chanvo leh an chan tur intluk tlang tura a sawi hmiah mai kha a va \ha ve. Speaker huaisen tak leh dik tak a nih ka beisei. Hetianga Speaker-in House-a thuneihna dik tak a kalpui tuma huaisen taka kaihruaitu hi kan nei tawh em le? Kan kum a la naupang deuha ka lo hre lo a nih chuan mipui lam leh kan MLA lo ni tawhte pawhin min lo hrethiam dawn nia
.

LB Fela Ralte,

Sesawng

Bazar New Market area-a duty mek KT Security zawng zawngte tlaivara in duty hi infakawm khawp mai. Nangni Security Agency aia duty \ha hi an awm kher lovang. Night Duty Commander Tetea pawn a naute a enkawl thiam khawp mai. Mizo mipuite hian full support kan pe a che u. Eng buaina pawh nei lo ula kan pui zel ang che u.

Dawrpui and Zarkawt Visitor

Seat kalsan chungchangah hian Pu Duhoma tan hian ngaihdan siam a har hle ang tih a hriat rualin patling taka a lu nghahna kalsana keini thingtlang mite hmasawnna atan a rawn pen chhuak hi kan va lawm em. West-I mipuiten min lo lawmpui ngei ang tih kan ringa, a aiawh rawn ding leh tur pawh kalphung thar duhna nen ngei ZPM tha tichak zual turin lo vote tling leh ngei turin Fakselna kaltlangin kan han sawm nghal che u a ni e.

Serchhip Pa

Upper Khatla, BSNL bul lei dawh hna hi sorkar thar hian hma han la vat vat teh se. A ninawm zozai lutuk tawh. Kawng kan neih tlem nak a laiin kumpui linglet teh meuha ral pawhin Congress sorkar khan zo thei ngang lovin a tlakpui ta kha a ni sia. Sorkar thar hian han zo duak tawh teh u’n.

Rama

Mizoram inthlanpui chu tluang takin zawhfel a lo ni ta hi a lawmawm hle mai. Chutihrualin ram siam tak tak kan duh a nih chuan MPF-te khan duh tawk mai lovin, mi chaw eikhawm mai mai tur pawh inven peih ang khan Officer eiru tur leh Contract hnathawktute hi han vil chhunzawm zel teh u. In thuawih lote chu Kohhranah phuar turin ngen ula, an thawhlawm pawh it lo turin ti ula, kan ram hian hma a sawn khawp ang. Pawisa an sem em, chaw an eikhawm em tih vel mai maia buai lovin.

7005873180

Mizoram political party insawichhiatna thawm a reh ta e. Tuna sorkar thar lo piang ta pawh a duhtu an tam a ni tih a chiang e. Sawichhetu a ngah lem lo. BJP hlauhawm zia sawitu pawh kan awm tawh lo chu a nih hi! Kum 2023 MLA General Election lo thlen leh huna sawi leh chauh tura dah a ni ber awm e. BJP hlauawm ta thut mai anga sawitute pawhin an sawi peih ta lo. Khawchhak lungpui lum hlau pawlte pawh chu ti tho. UID leh Sakawlh hlauhawm zia pawhin ziaawm lam a pan. MLA nih chak avang emaw, sorkar hrim hrim duh vanga Central sorkar thleng thlenga beitu party-te pawhin tunah chuan kum 10 hnu lam chauh beiseiin an ring an tun peih ta lo.

PH FANAI