Chhiat ni \hat nia sorkar hnathawkte hnathawh \huanawp lo se tih hi a dik viau laiin, Mizo tlawmngaihna a bawh bo deuh lo maw? Pathianin inhmangaih tawnna ngawt lo chu tuma engmah ba suh u a ti si a Rom. 13:8.
9612238063
—————-
Dawt sawi hmang, bum hmang, that chhe si, kawrap bawk si te hi chu Mizoram hruai tur hian i thlang lo ngam tawh ang u. Kan intichhe zo dawn e.
Zopa
—————
Rannung seh natna tia kan mithiam ten an lam hi rannungin a seh vang tak tak ni theiin ka ring lo. Tuhrikseh a\anga kai ni thei awma an sawi pawh hi ka ring lo. Keini thingtlangah chuan kan kai nasa thei khawp mai a, sen tuar thei khawp ten kan kai a, boruaka l>ng, natna chi khat a ni mai zawk lo’ng maw ka ti deuh.
Ruatdiki pu
—————-
Mizoram, condom fakna, zaia kutdawhna, petrol pawlh dalna, bomb leh tur hmanga sangha hraina, ruihhlo hluarna, Pathian thu sawi uarna thuawih tlemna rama kan chan ta der mai hi a pawi teh e.
RK Sanga
—————–
Therhlo sem Policy hmanga sal beh tlatte tana chhuahna JUBILEE DAR vawtute ke chu a va mawi em. He dar rimawi tak hre thei turin mipuite hriatna beng chu tihvarin awm teh se. Kum 30 chuang zet Political Party pahnihte chuan Mizoram mipuite chu an kaihruai tawh a, mipuite chu retheihna bawihah min hn<k lut mek a ni. Pathian chuan a mite chu khawizu leh hnutetui luanna ramah hruai a tum a. Kum 30 chhunga Party pahnihte, Mizo mipui min hruai dan hi Pathian tum dan nen a va inkalh nasa ve le. Ranvulh thlangtute STOCK FARMING an tih angin ran rual vulh tir sela, chutiang zelin TRADE dang thlangtute pawh dinchhuahpui thamin thuam sela. A rah an seng hma chu sawrkarin chhawmdawl sela, an rah an seng meuh hunah chuan kan ram hian thawn chhuah tur a nei tawh anga, hnianghnar takin Mizote chu kan khawsa tawh ang a, KHAWIZU LEH HNUTETUI luanna ramah kan cheng tawh ang.
Cooking Gas Service provider hian eng vangin nge Gas b<k tling lo Mizoramah a rawn thawn \hin. PIL thehluhna tham a ni.
Vena Pu
—————
Mizote hi kan pianna emaw, kan kalphung leh khawsak dan inan loh vanga hnam hrang \awng hrang nei kan ni a, Duhlian \awng hmang kan tam ber avangin Mizo \awngah kan hmang ta a ni mai a, chutih rualin, Duhlian \awng hmang te, Mizo bik, hnam bil \awng hmang, Mizo ni ve ta lo anga inngaihna te hi paih bovin kum thar 2018 a\ang hi chuan ai khata thinlung thar pua, rinawm taimakna nen min siamtu hre reng chunga lungrual taka Zoram thar siam thei tura ngaihtuahna hmang \heuh turin Chhinlung chhuak Zohnahthlak zawng zawngte kan sawm a che u. Kum thar chibai vek ule.
Hnam Arsi hruaitu, ZORAM SAKEI
—————-
Congress sorkarin ram an hruai danah i lungawi lova, MNF lah i iai tawh bawk si a, i rilru a buai maw? Lo buai suh, heng vang hian a lawm ZPM a din tak.
Duata pu
—————
Chawngte ‘P’ Branch YMA inthlannaah ka kal ve a, nikum kan inthlan lai khan floor nomination neih loh ai chuan buaina chawhchhuah pawh pawi ti lote ngei khan kumin kan inthlang leh chu Executive-in nomination a lo siam tawh, hruaitu ni laite an tlin leh ngei theihna tura mi 12 a lo ruat chhuah, floor nomination neih a \ul love titu-ah a \ang leh ta kha chu a va mak \hin em. Tuna hruaitute hian anmahni contest pha tur an nih an hlauh vang nge, kan hruaitu hlui nasa taka beia paper hial sema inpaihthlakte kha Executive-ah tal chuan indah ve thei na nge? Animal control leh luidung humhalh tal hi chu chak takin kalpui teh u. Inthawk peih lo a nih chuan bang mai teh u, khawtlang nuam siam in intih lai hian ruihhlo zuarten nuam an ti lutuk. YMA kan inthlan hian member 300 chuang kan kal \hin kha a ni a, tun \um kan inthlannaa mi 70 vel chiah kan kalte kha a zahthlak khawp mai, kan inenfiah a va \ul em!
Mr. Diknaduha
—————-
Congress sorkar nawn tir kan duh si lova, MNF lah kan la duh thei si lova, ZMP kan sorkar tir mai dawn lo’m ni ka unau?
VK Ruata
—————-
Tlabung Uitangrual kha i MNF ruh lutuk a, MNF hi Congress thlak nan chuan mipuiin an it rih lo. An hun laia Zoram an tihchhiat dan kha mipuiin an la hre reng alawm. Tuirial pawh sum siam nan an hluihlawn kha. A dang tam tak a la awm.
Malsawma pa
—————-
Aizawla motor intlanchhawk an ti hi \ha ka ti khawp mai. Keini thingtlang a\anga lo kal tan hian ziaawm tak a ni. Tunah chuan kan duh hun takah kan chuanna tur motor dinna hmun kan thleng ve zung zung thei ta a. Buaina a kiang ve ta deuh. Sawrkar hian hetiang hian ti reng rawh se. An thiltih \hat chhun a ni si.
No. thup
—————
Khawvelah hian ZONET hi an punctual lo ber awm e.
9612880873
—————–
Prof. Joy Pachuau interview kha a thlir a va nuam ve le. Mizo hmeichhe chhuanawm khatiang kan lo nei kha a chhuanawm kan va ti ve. Mahse, zawhna a chhan apianga zawttu zawk ang maia enge enge tih fo mai kha chu a zia lo ka ti deuh. Mizo \awng a hmang khat ema a harsat a nih chuan Sap \awngin sawi mai se, an hrethiam hlawm tho awm si a ka ti deuh.
9862566388
—————-
Kawng hmanga sum siam an tih mai titawp thei tura ka beisei Zoram People’s Movement Manifesto-ah ka bih chiang ngial a, ‘kawng \ha neih nan theihtawp kan chhuah ang’ tih bak ka hmu lo. ‘PWD hnathawh dan kan thlak danglam dawrh ang’ tih emaw, ‘kawng hmanga sum siam kan titawp ang’ tih ka lo beisei ngawt a, chutiang an tiam teuh lo mai.
9612126503
—————
Kan rama sumdawng lirtheite hi sorkarin rate a tuksak ve a, anmahniin rate hran an nei bawk ni berin ka hria.
9774354495
—————–
Serlui leh a chhehvel hi kan humhalh lutuk em aw!! Mi harsa tak tak ten a kam vela huan thlai an siam hi ngaimawh lutuk lo ila, ngaw tichereu uchuak leh sangha man uchuakte chu khuahkhirh thung ila, sorkar leh tlawmngai pawl hian an humhalh hle nanga, chin tawk nei teh se. Kan miliante nuam tawl nana humhalh mai a ni thei e. Thil reng reng hi a lerah \huai mai lovin a hnuailam pawh ngaihtuah thleng \hin ang hmiang. Kan ram tuikhuah hi hmasawn nan a hman theih rualin mi retheite a kam vela eizawngte hriatthiamna thui tak nei ang u. Zoram hi kan ram a ni a, mi retheite ram pawh a ni.
LB-a Pa
—————
